ବଲାଙ୍ଗିର,ବଲାଙ୍ଗିର ବନ ବିଭାଗ ପକ୍ଷରୁ ଗୋଟିଏ ଟ୍ରାକ୍ଟର ବୋଝେଇ ଜାଳ କାଠ ଗତକାଲି ପାଟଣାଗଡ଼ ରେଞ୍ଜ ମହଦାସାନି ସଂରକ୍ଷିତ ଜଙ୍ଗଲ ଭିତରୁ ଜବତ କରାଯିବା ସହ ଘଟଣାରେ ୨ ଜଣଙ୍କୁ ଗିରଫ କରାଯାଇଛି । ଜଙ୍ଗଲ ଭିତରେ ପଇଁତରା ମାରୁଥିବା ବେଳେ ଡେପୁଟି ରେଞ୍ଜର ଦିଲିପ ପଧାନଙ୍କ ନିର୍ଦ୍ଦେଶ କ୍ରମେ ପାଟଣାଗଡ଼ ରେଞ୍ଜ କର୍ମଚାରୀ ଫରେଷ୍ଟର ଭାଗବନ୍ତ ଦାଶ ଓ ବନରକ୍ଷୀ ଶ୍ୟାମ ସାହୁ ଏହି ଗାଡିକୁ ଧରିଥିଲେ । ଟ୍ରାକ୍ଟରରୁ ୭ କ୍ବିଣ୍ଟାଲ ମହୁଲ ଜାଳ କାଠ ଜବତ ହୋଇଛି । ବନ ବିଭାଗ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
