ଭଦ୍ରକ – ଭଦ୍ରକରେ ଖୋଲିବ ରେସ ନାରାୟଣ ଆଇଆଇଟି ଓ ନିଟ୍ ଏକାଡ଼େମୀ । ଏ ସମ୍ପର୍କରେ ଏକାଡ଼େମୀର ସିଇଓ ଡ଼.ରସିଦ ଚୌଧୁରୀ ବିସ୍ତୁତ ବିବରଣୀ ଦେଇଛନ୍ତି । ଦେଶର ବିଭିନ୍ନ ରାଜ୍ୟରେ ଉକ୍ତ ଅନୁଷ୍ଠାନର ଶାଖା ଥିବାବେଳେ, ଓଡ଼ିଶାରେ ପ୍ରଲମ ଥର ଭଦ୍ରକରେ ଏହାର ଶାଖା ଖୋଲିବାକୁ ଯାଉଛି । ଆସନ୍ତା ବର୍ଷ ସୁଦ୍ଧା ଏହା ପୂର୍ଣ୍ଣ କାର୍ଯ୍ୟକାରୀ ହେବ । ଭଦ୍ରକ ଜିଲ୍ଲାର ଯେଉଁ ମେଧାବୀ ଛାତ୍ରଛାତ୍ରୀମାନେ ଅନ୍ୟ ସହରକୁ କୋଚିଂ ପାଇଁ ଯାଉଛନ୍ତି ସେମାନଙ୍କୁ ଆଉ ଯିବାକୁୂ ପଡ଼ିବ ନାହିଁ ବୋଲି ଅନୁଷ୍ଠାନର ଭଦ୍ରକ ଶାଖାର ପରିଚାଳନା ନିର୍ଦ୍ଦେଶକ ବିପ୍ଳବ ମହାନ୍ତି କହିଛନ୍ତି । ଏହା ଏକ ଜାତୀୟସ୍ତରର କୋଚିଂ ଇନଷ୍ଟିଚ୍ୟୁଟ ହୋଇଥିବାରୁ ଭଦ୍ରକର ମେଧାବୀ ଛାତ୍ରଛାତ୍ରୀ ଓ ସେମାନଙ୍କ ଅଭିଭାବକମାନଙ୍କର ବିଶ୍ୱାସଭାଜନ ହୋଇ ପାରିବ ବୋଲି ସେ କହିଛନ୍ତି । ବହୁ ଅଭିଜ୍ଞ ଫେକଲ୍ଟି ଏଠାରେ ଶିକ୍ଷାଦାନ କରିବେ । ଗରୀବ ମେଧାବି ବିଦ୍ୟାର୍ଥୀଙ୍କ ପାଇଁ ୧୦ପ୍ରତିଶତ ସିଟ ସଂରକ୍ଷିତ ରହିବା ସହ ମେଧାବୀଙ୍କ ପାଇଁ ଛାତ୍ରବୃତ୍ତିର ବ୍ୟବସ୍ଥା ମଧ୍ୟ ରହିଛି ବୋଲି ଶ୍ରୀ ମହାନ୍ତି କହିଛନ୍ତି ।
