ନୂଆପଡା, ନୂଆପଡା ଜିଲ୍ଲା କୋମନା ଥାନା ବରକୋଟ ସିଆରପିଏଫ-୨୧୬ କ୍ୟାମ୍ପରେ ପୁଣି ଅଘଟଣ । ଆଜି ପୁଣି ସିଆରପିଏଫର ଜଣେ ଏଏସଆଇଙ୍କ ଅସ୍ବାଭାବିକ ମୃତ୍ୟୁ ହୋଇଛି । ଆଜି ସକାଳେ ବରକୋଟ ସିଆରପିଏଫ କ୍ୟାମ୍ପର ଏଏସଆଇ ସତ୍ୟପାଲ ସିଂ ଡ୍ୟୁଟିରେ ଥିଲେ । ହଠାତ୍ ତାଙ୍କର ଛାତିରେ ଯନ୍ତ୍ରଣା ଅନୁଭଵ କରିବାରୁ ତାଙ୍କୁ ପ୍ରଥମେ ଭେଲାସ୍ଥିତ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ଅବସ୍ଥା ଗୁରୁତର ହେବାରୁ ତାଙ୍କୁ ନୂଆପଡା ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ ଯବାନ ଜଣକ ଉତ୍ତର ପ୍ରଦେଶ ସାହାରନପୁର ଜିଲ୍ଲାର ବୋଲି ଜଣାପଡିଛି ।
ପ୍ରକାଶ ଥାଉ କି, ଗତ ୧୭ ତାରିଖ ଦିନ ଏହି ବରକୋଟ୍ କ୍ୟାମ୍ପରେ ଜଣେ ହାବିଲଦାର ରାମ ପ୍ରତାପ ଆତ୍ମହତ୍ୟା କରିଥିଲେ ।
