ଭଦ୍ରକ – ଏହି ଜିଲାର ଚାନ୍ଦବାଲି ଓ ତିହିଡି ବ୍ଲକ୍ରେ କୋଇଲା ଚୋରି କମିବାର ନାଁ ଧରୁନାହିଁ । ପୁଲିସ୍କୁ ଖୋଲା ଚ୍ୟାଲେଞ୍ଜ କରି ଦିନ ଦ୍ୱିପ୍ରହରରେ ଏହି କୋଇଲା ଚୋର ମାଫିଆମାନେ ଶହ ଶହ ସଂଖ୍ୟକ କୋଇଲା ବସ୍ତା ବାହାରକୁ ଚାଲାଣ କରୁଛନ୍ତି । ଏ ଦିଗରେ ବହୁ ଅସାଧୁ ପୁଲିସ୍ ମଧ୍ୟ ସେମାନଙ୍କୁ ସହାୟତା କରୁଛି । ତେବେ ଆଜି ସାଧାରଣ ଲୋକେ ଏହି ଚୋରା କୋଇଲା ଚାଲାଣର ଅତିଷ୍ଠ ହୋଇ ଘଣ୍ଟେଶ୍ୱର ଫାଣ୍ଡି ଓ ବାଂଶଡା ଥାନାର ମିଳିତ ଉଦ୍ୟମରେ ମାଣିପୁର ଅଂଚଳରୁ ଜୟ ମା’ କାଳୀ ନାମକ ଚୋରା କୋଇଲା ବୋଝେଇ ପିକ୍ଅପ୍ ଭ୍ୟାନ୍ ଜବତ କରିଛନ୍ତି । ଯେଉଁଥିରେ ୫୦ ରୁ ଉଦ୍ଧ୍ୱର୍ ଚୋରା କୋଇଲା ବସ୍ତା ରହିଛି । ତେବେ ଏହି ଚୋରିରେ କେଉଁମାନେ ସଂପୃକ୍ତ ଅଛନ୍ତି, ତାହା ତଦନ୍ତ କରୁଥିବା ନେଇ ଥାନାଧିକାରୀ କରୁଣାକର ରାଉତ ଗଣମାଧ୍ୟମକୁ କହିଛନ୍ତି ।
