ମାଲକାନଗିରି, ମାଲକାନଗିରି ଜିଲ୍ଳାରେ ଶୀତ ର ଆରମ୍ଭ ହେବା ମାତ୍ରକେ ଜଙ୍ଘଲ ଛାଡି କେନ୍ଦୁ ଓ ଅନ୍ୟ ଖାଦ୍ୟ ଅନ୍ୱେଷଣରେ ଭାଲୁ ମାନେ ସହର ମୁହାଁ ହେବା ଦେଖିବାକୁ ମିଳିଥାଏ!ସ୍କୁଲ ଭିତରେ ଭାଲୁ । ଗୋଟିଏ କି ଦୁଇଟି ନୁହେଁ ତିନୋଟି ଭାଲୁ ସ୍କୁଲ ହତା ଭିତରେ ପଶିଥିବା ଦେଖିବାକୁ ମିଳିଛି । ତା ପୁଣି ସିସିଟିଭିରେ କଏଦ ହୋଇଛି । ଏହି ଦୃଶ୍ୟ ହେଉଛି ମାଲକାନଗିରି ଜିଳ୍ଲା ଗୋବିନ୍ଦପାଲ୍ଲୀରେ ଥିବା ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟ ରେ ଦେଖିବାକୁ ମିଳିଛି । ଗତ କାଲି ରାତି ସମୟରେ ଏହି ତିନି ଭାଲୁ ସ୍କୁଲ ଗେଟ୍ ଦେଇ ଭିତରକୁ ପଶିଥିବାର ଦୃଶ୍ୟ ଏବେ ଭାଇରାଲ ହେବାରେ ଲାଗିଛି ।ତେବେ ଭାଲୁ ସ୍କୁଲକୁ ପଶିଥିଲେ ବି କାହାର କୌଣସି କ୍ଷତି କରିନଥିବା ଜଣାପଡିଛି । ସେପଟେ କୌଣସି ଅଘଟଣ ଘଟିବା ପୂର୍ବରୁ ବନବିଭାଗ ପକ୍ଷରୁ ସଜାଗ ହେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।ପ୍ରକାଶ ଥାଉକି କିଛି ଦିନ ତଳେ ଏହି ୩ ଭାଲୁକୁ ଜୟପୁର -ମାଲକାନଗିରି ରାସ୍ତାରେ ଥିବା ଗୋବିନ୍ଦପାଲି ମେଡିକାଲ ପରିସରରେ ବୁଲୁଥିବା ଦେଖାଯାଇଥିଲା!
