ରାଇରଙ୍ଗପୁର,ରାଇରଙ୍ଗପୁରର ଯୁବନେତା ଦୀପ୍ତିମାନ ବଳଙ୍କୁ ନିକଟରେ ବିଜୁ ଜନତା ଦଳ ନିଲମ୍ବନ ପ୍ରତ୍ୟାହାର କରି କୋଳେଇ ନେଇଥିବା ଖବର ଦୀପ୍ତିମାନଙ୍କ ସମର୍ଥକ ଓ ଶୁଭେଚ୍ଛୁଙ୍କୁ ଉତ୍ସାହିତ କରିଛି । ଏନେଇ ସହରର ଚାରିଆଡ଼େ ଖୁସିର ଲହରୀ ଖେଳି ଯାଇଛି । ସହରର ବିଭିନ୍ନ ଅନୁଷ୍ଠାନ ଠାରୁ ଅ।ରମ୍ଭ କରି ଦଳୀୟ କର୍ମୀ ଓ ନେତୃବୃନ୍ଦ ଶ୍ରୀ ବଳଙ୍କୁ ଶୁଭେଚ୍ଛା ଓ ସ୍ୱାଗତ ଜଣେଇଛନ୍ତି । ପୁରୁଣାଘାଟୀର ରୟାଲ କ୍ଲବ, ଗଢ଼ର ତାଙ୍କର ଶୁଭେଚ୍ଛୁ ୧୩ ନଂ ୱାର୍ଡର ବୀର ବିର୍ଶା ମୁଣ୍ଡା କ୍ଲବର ସଦସ୍ୟ ତଥା ରାଇରଙ୍ଗପୁର ପୌର ପରିଷଦର ବିଭିନ୍ନ ୱାର୍ଡରେ ଥିବା ତାଙ୍କ ଶୁଭେଚ୍ଛୁ ମାନେ ଶ୍ରୀ ବଳଙ୍କୁ ପୁଷ୍ପ ଗୁଚ୍ଛ ଓ ଉତ୍ତରୀୟ ଦେଇ ସ୍ୱାଗତ କରିଛନ୍ତି । ଦୀପ୍ତିମାନଙ୍କ ବିଜେଡିକୁ ପ୍ରତ୍ୟାବର୍ତ୍ତନ ବିଜେଡି କର୍ମୀ ଓ ସାଧାରଣ ଲୋକଙ୍କୁ ବହୁ ଗୁଣରେ ଉତ୍ସାହିତ କରିଛି । ନବୀନ ପଟ୍ଟନାୟକ ଜିନ୍ଦାବାଦ, ବବି ଭାଇ ଜିନ୍ଦାବାଦ ସ୍ଲୋଗାନ ଦେଇ ଦଳୀୟ କର୍ମୀ ମାନେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ଧନ୍ୟବାଦ ଜଣାଇଛନ୍ତି । ଶ୍ରୀ ବଳଙ୍କ ବିଜେଡିକୁ ପ୍ରତ୍ୟାବର୍ତ୍ତନ ରାଇରଙ୍ଗପୁର ରାଜନୀତିକୁ ସରଗରମ କରିଛି ।
