ପାରଳାଖେମୁଣ୍ଡି, ଗଜପତି ଜିଲ୍ଲା ସଦର ମହକୁମା ପାରଳାଖେମୁଣ୍ଡି ଠାରେ ଜିଲ୍ଲା ତାଇକୋଣ୍ଡୁ ଏକାଡେମୀ ପକ୍ଷରୁ ଗତ ରବିବାର କଲର ବେଲ୍ଟ ପ୍ରୋମସନ୍ ନିମନ୍ତେ ଟେଷ୍ଟ ଗୁଣ୍ଡିଚା ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ଏଥିରେ ଜିଲ୍ଲାର ବିଭିନ୍ନ ଅଞ୍ଚଳରୁ ମୋଟ୍ ୯୫ ଜଣ ପ୍ରଶିକ୍ଷାର୍ଥୀ ଅଂଶ ଗ୍ରହଣ କରିଥିଲେ । ସେଥି ମଧ୍ୟରୁ ବ୍ଲାକଷ୍ଟ୍ରିପ୍ ୪ ଜଣ, ରେଡ୍ ବେଲ୍ଟରେ ୧୧ ଜଣ, ବ୍ଲ୍ୟୁ ବେଲ୍ଟରେ ୨୨ ଜଣ, ଗ୍ରୀନ ବେଲ୍ଟରେ ୨୮ ଜଣ ଓ ୟେଲୋ ବେଲ୍ଟରେ ୩୦ ଜଣ ଉତ୍ତୀର୍ଣ୍ଣ ହୋଇଥିବାର ଜଣାପଡିଛି । ଏହି ଟେଷ୍ଟରେ ବ୍ରହ୍ମପୁର ତାଇକୋଣ୍ଡୁ ଏସୋସିଏସନର ସତ୍ୟନାରାୟଣ ତ୍ରୀପାଠୀ, ଗଣେଶଚନ୍ଦ୍ର ମହାପାତ୍ର ଉପସ୍ଥିତ ଥିଲେ ।
ଗଜପତି ଜିଲ୍ଲା ତାଇକୋଣ୍ଡୁ ସଭାପତି କାର୍ତ୍ତୀକ ଚନ୍ଦ୍ର ମହାପାତ୍ରଙ୍କ ତତ୍ୱାବଧାନରେ ଆୟୋଜିତ ଏହି ଟେଷ୍ଟକୁ ତାଇକୋଣ୍ଡୁ ପ୍ରଶିକ୍ଷକ ନାଗେଶ୍ୱର ମହାପାତ୍ର ପରିଚାଳନା କରିଥିଲେ ।
