ଖଡ଼ିଆଳ ଥାନା ଛକ ଠାରୁ ଗରୁ ନାନକ ଛକ ଯାଏ ଉଡୁଛି ପ୍ରବଳ ଧୂଳି,ଲୋକେ ହନ୍ତସନ୍ତ

ନୂଆପଡ଼ା,ନୂଆପଡ଼ା ଜିଲ୍ଲା ଖଡ଼ିଆଳ ସହର ସ୍ଥିତ ଥାନା ଛକ ଠାରୁ ଗୁରୁ ନାନକ ଛକ ପ୍ରଯ୍ୟନ୍ତ ଗତ ୧୨ ଦିନ ହେଲା ପ୍ରବଳ ଧୂଳି ଗୁଣ୍ଡ ଉଡି ଯାତାୟତ କରୁଥିବା ମୋଟର ସାଇକେଲ ଓ ବାଇସାଇକେଲ ଆରୋହି ସମେତ ପାଦରେ ଯାତାୟାତ କରୁଥିବା ପଥିକ ମାନଙ୍କ ନାହିଁନଥିବା ଅସୁବିଧା ଭୋଗୁଥିବା ଅଭିଯୋଗ ହୋଇଛି । ପୁଣି ଥାନା ଛକ ଠାରୁ ଗୁରୁ ନାନକ ଛକ ମଧ୍ୟରେ ଥିବା ଦୋକାନୀ ମାନେ ମଧ୍ୟ୍ୟ ଧୂଳିଗୁଣ୍ଡ ଉଡୁଥିବାରୁ ସମସ୍ୟା ଭୋଗୁଥିବା ଗୁରୁ ନାନକ ଛକ ମାରବାଡ଼ି ଧର୍ମଶାଳା ପାଖ ସାମାନା ରେ ଦୋକାନ କରିଥିବା ସୋରେନ ଶର୍ମା ପ୍ରକାଶ କରିଛନ୍ତି ।

ସୂଚନା ଥାଉକି ଗତ ୧୨ ଦିନ ତଳେ ଖଡ଼ିଆଳ ଥାନା ଛକ ଠାରୁ ଗୁରୁ ନାନକ ଛକ ପ୍ରଯ୍ୟନ୍ତ ଆଗରୁ ତିଆରି କରାଯାଇଥିବା ଡିଭାଇଡ଼ର ରାସ୍ତା କୁ ଜେସିବି ଲଗାଇ ଜାତୀୟ ରାଜପଥ ବିଭାଗ ପକ୍ଷରୁ ଭାଙ୍ଗି ଦିଆଯାଇଥିଲା । ଭାଙ୍ଗି ଦିଆଯାଇଥିବା ସିଂମେଟ ବାଳି ବଡ଼ ବଡ଼ ଖଣ୍ଡ ପଡ଼ିଥିବାରୁ ଏବେ ଯାନବାହନ ଅନବରତ ଚାକୁ ଥିବାରୁ ବର୍ତମାନ ଧୂଳି ଗୁଣ୍ଡ ହୋଇ ଉଡୁଛି । ଯାହାଫଳରେ ଧୂଳିଗୁଣ୍ଡ ଉଡୁଥିବାରୁ ଲୋକ ଅଣ ନିଶ୍ୱାସୀ ହୋଇପଡୁଛନ୍ତି । ଜାତୀୟ ରାଜପଥ ବିଭାଗ ଏଥିପ୍ରତି ତୁରନ୍ତ ଦୃଷ୍ଟି ନଦେଲେ ଆଗାମୀ ଦିନରେ ୩୫୩ ନମ୍ୱର ଜାତୀୟ ରାଜପଥ କୁ ଅବରୋଧ କରିବାକୁ ବାଧ୍ୟ ହେବୁ ବୋଲି ସୁରେନ ଶର୍ମା ଚେତବନି ଦେଇଛନ୍ତି ।