ନୂଆପଡ଼ା,ନୂଆପଡ଼ା ଜିଲ୍ଲା ବୋଡେ଼ନ ବ୍ଲକ ନଗପଡା ଗ୍ରାମପଂଚାୟତ ଖୋଲିଭିତର ଗ୍ରାମରେ ଶତାଧିକ ଭୁଞ୍ଜିଆ ସମ୍ପ୍ରଦାୟ ରହୁଛନ୍ତି । ଏହି ଖୋଲିଭିତର ଗ୍ରାମ ସୁନାବେଡ଼ା ଅଭୟାରଣ୍ୟ ଭିତରେ ଯାଉଛି । ଅଭୟାରଣ୍ୟ ପରିସରରେ ସୁନାବେଡ଼ା ଓ ସୋସେଙ୍ଗ ଗ୍ରାମପଂଚାୟତରେ ବସବାସ କରୁଥିବା ଚକୋଟିଆ ଭୁଞ୍ଜିଆ ପରିବାର ମାନେ ସରକାରଙ୍କ ବିଭିନ୍ନ ଉନ୍ନତିମୂଳକ ଯୋଜନାରେ ସାମିଲ୍ ହୋଇଛନ୍ତି । କିନ୍ତୁ, ଅଭୟାରଣ୍ୟରେ ରହି ମଧ୍ୟ ଏହି ଖୋଲିଭିତର ଗ୍ରାମରେ ରହୁଥିବା ଚକୋଟିଆ ଭୁଞ୍ଜିଆ ମାନେ ସରକାରଙ୍କ ପ୍ରଦତ ବିଭିନ୍ନ ସୁବିଧାସୁଯୋଗ ପାଇବାରୁ ବଂଚିତ ହେଉଛନ୍ତି । ଏଣୁ, ସରକାର ସୁନାବେଡ଼ା ଅଭୟାରଣ୍ୟରେ ଯୋଗାଉଥିବା ବିଭିନ୍ନ ଯୋଜନା ଆମକୁ ଦିଆଯାଉ ବୋଲି ନୂଆପଡ଼ା ଜିଲ୍ଲାପାଳ ସ୍ୱାଧ୍ୟାଦେଵ ସିଂଙ୍କ ଠାରେ ନିବେଦନ କରିଛନ୍ତି ।
