ଜୟପୁର – ଜୟପୁର ଦେଇ ଯାଇଥିବା ଜାତୀୟ ରାଜପଥ ୨୬ର ଏଲଆଇସି ଅଫିସ ନିକଟରେ ଟ୍ରକ ଧକ୍କାରେ ସାଇକେଲ ଆରୋହୀଙ୍କ ମୃତ୍ୟୁ ଘଟିଛି । ଜୟପୁର ସାନତେଲି ସାହିର ଏମ ପାଣ୍ଡରଙ୍ଗା (୫୨) ପେପର ମିଲରେ କାମ ସାରି ଘରକୁ ଫେରୁଥିବା ବେଳେ ଏକ ଟ୍ରକ ଧକ୍କା ଦେଇ ଫେରାର ହୋଇଯାଇଥିଲା । ଏହି କଥା ପୋଲିସ ଜାଣି ଘଟଣା ସ୍ଥଳରେ ପହଂଚି ଗୁରୁତର ଅବସ୍ଥାରେ ପାଣ୍ଡରାଙ୍ଗାକୁ ଉଦ୍ଧାର କରି ଜିଲା ଚିକିତ୍ସାଳୟ ରେ ଭର୍ତି କରାଯାଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ । ଟ୍ରକଟି ଧକ୍କା ଦେଇ ଫେରାର ହୋଇ ଯାଇଥିବା ବେଳେ ଟାଉନ ପୋଲିସ ଗୋଡାଇ ଗୋଡାଇ ସୁନେବାଡା ଠାରେ ଧରିବାରେ ସଫଳ ହୋଇଥିଲା । ଟ୍ରକଟି ଏପି ଟିଡବ୍ଲୁ ୯୫୫୬ ଉମରକୋଟରୁ ଜୟପୁର ଅଭିମୁଖେ ଆସୁଥିବା ବେଳେ ବାଇକ କୁ ଧକ୍କା ଦେଇଥିଲା । ଏନେଇ ପୋଲିସ ଟ୍ରକ କୁ ଜବତ କରି ଡ୍ରାଇଭରକୁ ଅଚକ ରଖିଛି । ପୋଲିସ ଶବ ବ୍ୟବଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରିଛି ।
