-
୧୩ ଲକ୍ଷରୁ ଉର୍ଦ୍ଧ୍ୱ ଜାଲ୍ ନୋଟ୍ ଜବତ : ୬ ଗିରଫ
ସମ୍ବଲପୁର, ସମ୍ବଲପୁର ପୋଲିସ ହାତରେ ଧରାପଡିଛି ନକଲି ଟଙ୍କା ତିଆରି ଗ୍ୟାଙ୍ଗ । ସେମାନଙ୍କ ନିକଟରୁ ୧୩ ଲକ୍ଷରୁ ଉର୍ଦ୍ଧ୍ୱ ଜାଲ୍ ନୋଟ୍ ଜବତ ହୋଇଛି । ମାମଲାରେ ଜଡ଼ିତ ୬ ଜଣଙ୍କୁ ଗିରଫ କରିଛି ସମ୍ବଲପୁର ଟାଉନ୍ ଥାନା ପୋଲିସ । ଜବତ ନୋଟ୍ ମଧ୍ୟରେ ୨୦୦୦, ୫୦୦ ଓ ୧୦୦ ଟଙ୍କିଆ ନକଲି ନୋଟ୍ ରହିଛି । ଅଭିଯୁକ୍ତ ମାନଙ୍କ ନିକଟରୁ ନକଲି ଟଙ୍କା ପ୍ରସ୍ତୁତ କରିବା ମେସିନ ଓ କାଗଜପତ୍ର ମଧ୍ୟ ଜବତ କରିଛି ପୋଲିସ । ଗିରଫ ୬ ଅଭିଯୁକ୍ତଙ୍କ ମଧ୍ୟରୁ ୪ ଜଣ ବରଗଡ଼ର ଓ ୨ ଜଣ ଛତିଶଗଡ ରାଜ୍ୟର ବୋଲି ଜଣାପଡିଛି । ଖୁବ ଶୀଘ୍ର ଗିରଫ ୬ ଜଣଙ୍କୁ ରିମାଣ୍ଡରେ ଆଣି ପଚରାଉଚରା କରିବ ପୋଲିସ ।
