-
ଧବଳେଶ୍ୱର ଘାଟରୁ ମିଳିଲା ବାଇକ୍, ମହାନଦୀରୁ ମୃତଦେହ ଉଦ୍ଧାର
କଟକ, କଟକ ଖ୍ରୀଷ୍ଟ କଲେଜର ଜଣେ ଯୁକ୍ତ ୨ ଛାତ୍ରଙ୍କୁ ଅପହରଣ କରାଯାଇଥିବା ନେଇ ଅଭିଯୋଗ ହୋଇଛି । ନିଖୋଜ ଛାତ୍ରଙ୍କ ନାମ ତୁଷାରକାନ୍ତ ସାହୁ । ଏନେଇ ତାଙ୍କ ପରିବାର ଲୋକେ କ୍ୟାଂଟନମେଂଟ ଥାନାରେ ଲିଖିତ ଅଭିଯୋଗ ଦାୟର୍ କରିଥିଲେ । ପୁଅର ଗାର୍ଲଫ୍ରେଣ୍ଡଙ୍କ ପୂର୍ବତନ ବୟଫ୍ରେଣ୍ଡ ଅପହରଣ କରିଥିବା ନେଇ ଅଭିଯୋଗ ହୋଇଥିଲା ।
ଅଭିଯୋଗକୁ ଭିତି କରି ପୋଲିସ ଘଟଣାର ତଦନ୍ତ ଆରମ୍ଭ କରିଥିଲା । ଗତ ୩ ତାରିଖରୁ ନିଖୋଜ ଛାତ୍ର ତୁଷାରକାନ୍ତଙ୍କ ବାଇକ୍ ଧବଳେଶ୍ୱର ଘାଟରୁ ମିଳିଥିଲା । ପୋଲିସ, ଅଗ୍ନିଶମ ବାହିନୀ ଓ ଓଡ଼୍ରାଫ୍ ଟିମ୍ ପକ୍ଷରୁ ମହାନଦୀରେ ଖୋଜାଖୋଜି ଜାରି ରହିଥିଲା । ପରେ ନଦୀ ଜଳରୁ ଆଜି ନିଖୋଜ ଛାତ୍ରଙ୍କ ମୃତଦେହ ଉଦ୍ଧାର ହୋଇଛି । ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
