ନୂଆପଡା, ଲଘୁଚାପ ଜନୀତ ଲଗାଣ ବର୍ଷାରେ ଗତକାଲି ଠାରୁ ନୂଆପଡା ଜିଲ୍ଲାରେ ବର୍ଷା ହେଉଛି । ଜିଲ୍ଲା ସାରା ଝିପି ଝିପି ବର୍ଷା ଲାଗିରହିଛି । ଆଜି ନୂଆପଡା ଜିଲ୍ଲାର ବୋଡେନ ବ୍ଲକରେ ୧୫ ମିମି ,ଖଡିଆଳ ବ୍ଲକରେ ୩୩.୬ ମିମି, କୋମନା ବ୍ଲକରେ ୫୬ ମିମି, ନୂଆପଡା ବ୍ଲକରେ ୨୧ ମିମି ଓ ସିନାପାଲି ବ୍ଲକରେ ୩୬.୫ ମିମି ବର୍ଷା ରେକର୍ଡ ହୋଇଛି । ଜିଲ୍ଲାରେ ଆଜି ମୋଟ ୧୬୨.୧ ମିମି ବର୍ଷା ହୋଇ ଥିବା ଜଣାପଡିଛି । ଅନ୍ୟ ପକ୍ଷରେ ଏହି ଲଘୁଚାପ ଜନିତ ଲଗାଣ ବର୍ଷା ରେ ଜିଲ୍ଳାର ଚାଷୀକୁଳ ବେଶ ଉତ୍ସାହିତ ହୋଇ ଚାଷ କାର୍ଯ୍ୟରେ ଲାଗି ପଡ଼ିଥିବା ଦେଖିବାକୁ ମିଳିଛି ।
