-
ଶାସକ ବିଜେଡି କର୍ମୀମାନେ ଦଳିତ ପରିବାରକୁ ମରଣାନ୍ତକ ଆକ୍ରମଣ କରିବା ପ୍ରସଙ୍ଗ
-
ଦଳିତ ପୀଡିତ ପରିବାରକୁ ନ୍ୟାୟ, ଅପରାଧୀଙ୍କୁ ଗିରଫ କରିବା ଏବଂ ଆଳି ଥାନା ଅଧିକାରୀଙ୍କ ବଦଳି ଦାବିରେ
ଏଭଳି ଏକ ହୃଦୟ ବିଦାରକ ଘଟଣାର ଅନୁଧ୍ୟାନ କରିବା ପାଇଁ ରାଜ୍ୟ ସଭାପତି ସମୀର ମହାନ୍ତିଙ୍କ ନିର୍ଦ୍ଦେଶ କ୍ରମେ ରାଜ୍ୟ ଅନୁସୂଚୀତ ଜାତି ମୋର୍ଚ୍ଚା ସଭାପତି ବିଭୁ ତରାଇଙ୍କ ନେତୃତ୍ୱରେ ସାଧାରଣ ସଂପାଦକ ରାଘବ ମଲ୍ଲିକ, ସଂଯୋଜକ ରବି ବେହେରା ଓ ଶିବ ମଲ୍ଲିକ, ସ୍ଥାନୀୟ ଜିଲ୍ଲା ସଭାପତି କିଶୋର ପଣ୍ଡା, ଉପସଭାପତି କୃଷ୍ଣଚନ୍ଦ୍ର ପଣ୍ଡା ଓ ମୋର୍ଚ୍ଚା ସଭାପତି ସୁଦାମ ମଲ୍ଲିକ ପ୍ରମୁଖ ଘଟଣାସ୍ଥଳରେ ପହଂଚି ଘଟଣାର ସରଜମିନ ତଦନ୍ତ କରିବା ସହ କେନ୍ଦ୍ରାପଡାର ଅତିରିକ୍ତ ଏସପିଙ୍କ ସହ ଆଲୋଚନା କରିଥିଲେ । ଏହି ଘଟଣାରେ ସ୍ଥାନୀୟ ପୁଲିସର ନିଷ୍କ୍ରିୟତା, ପୀଡିତ ପରିବାରର ସୁରକ୍ଷା ଓ ଆସାମୀଙ୍କୁ ଗିରଫ କରିବା ପାଇଁ ପ୍ରତିନିଧୀ ଦଳ ଦାବି କରିଥିଲେ ସୁଦ୍ଧା ଏପର୍ଯ୍ୟନ୍ତ ପୁଲିସ ଅପରାଧୀଙ୍କୁ ଗିରଫ କରିପାରିଲା ନାହିଁ । ଘଟଣାକୁ ୧୩ ଦିନ ବିତିଲା ପରେ ବି ଶାସକ ଦଳ ବିଧାୟକ ପ୍ରତାପ ଦେବଙ୍କ ଛତ୍ରଛାୟା ତଳେ ଆସାମୀମାନେ ସୁରକ୍ଷିତ ରହି ପୀଡିତ ପରିବାର ଉପରେ ସାନି ଆକ୍ରମଣ କରିବାର ଧମକ ଦେଉଛନ୍ତି ବୋଲି ଶ୍ରୀ ତରାଇ ଅଭିଯୋଗ କରିଛନ୍ତି ।
ଦଳିତ ପୀଡିତ ପରିବାର ଲୋକଙ୍କୁ ନ୍ୟାୟ ଏବଂ ଏହି ମରଣାନ୍ତକ ଆକ୍ରମଣ ଘଟଣାରେ ସଂପୃକ୍ତ ଅପରାଧୀଙ୍କୁ ଗିରଫ ଓ ଆଳି ଥାନା ଆଇଆଇସିଙ୍କ ବଦଳି ଦାବିରେ କେନ୍ଦ୍ରାପଡା ଏସପି ଅଫିସ ଘେରାଓ କରିବ ବିଜେପି । ୩ ଦିନରେ ଦାବି ପୂରଣ ନହେଲେ ଏହି ଆନ୍ଦୋଳନକୁ ଆହୁରି ତୀବ୍ର କରାଯିବ ବୋଲି ଶ୍ରୀ ତରାଇ ଚେତାବନୀ ଦେଇଛନ୍ତି ।ଏହି ସାମ୍ବାଦିକ ସମ୍ମିଳନୀରେ ଅନୁସୂଚିତ ଜାତି ମୋର୍ଚ୍ଚା ପ୍ରଭାରୀ ଦିଲୀପ ମଲ୍ଲିକ, ଅନୁସୂଚିତ ଜାତି ମୋର୍ଚ୍ଚା ସାଧାରଣ ସଂପାଦକ ରାଘବ ମଲ୍ଲିକ ଓ ସଂଯୋଜକ ରବି ବେହେରା ପ୍ରମୁଖ ଉପସ୍ଥିତ ଥିଲେ ।
