କୈଳାଶ ଚନ୍ଦ୍ର ପଣ୍ଡା,ପୁରୀ
କରୋନା ମହାମାରୀର ଦ୍ଵିତୀୟ ଲହର ସାଧାରଣ ଜନ ଜୀବନ ଓ ଜୀବିକାକୁ ବହୁପରିମାଣରେ ପ୍ରଭାବିତ କରିଛି |ଏଥିରୁ ବ୍ରାହ୍ମଣ, ପୂଜକ ମାନେ ମଧ୍ୟ ବାଦ ପଡି ନାହାନ୍ତି |ପବିତ୍ର ରଥଯାତ୍ରା ଉପଲକ୍ଷେ ଉତ୍କଳ ବିଦ୍ୱତ ପରିଷଦ ତରଫରୁ ବ୍ରାହ୍ମଣ ମାନଙ୍କୁ କିଛି ରୋଷେଇ ସାମଗ୍ରୀ ସହାୟତା କରିବାକୁ ନିଷ୍ପତ୍ତି ହୋଇଥିଲା |ଆଜି ଏହି ପବିତ୍ର ରଥଯାତ୍ରା ସମୟରେ ରୋଷେଇ ସାମଗ୍ରୀ ବଣ୍ଟନ କରାଯାଇଛି | ପରିଷଦ ର ସଚିବ ବିଜୟ କୃଷ୍ଣ ବ୍ରହ୍ମା ଙ୍କ ନେତୃତ୍ୱରେ ୧୨ ଜଣ ବ୍ରାହ୍ମଣ ପଣ୍ଡିତ ଙ୍କୁ ଆମନ୍ତ୍ରଣ ପୂର୍ବକ ଏହି ସାମଗ୍ରୀ ପୁଡିଆ ବଣ୍ଟନ କରାଯାଇଥିଲା |ପଣ୍ଡିତ ମାନେ ଏହି କାର୍ଯ୍ୟରେ ପ୍ରୀତ ହୋଇ ଆଶୀର୍ବାଦ ପ୍ରଦାନ କରିଥିଲେ |ଏହି କାର୍ଯ୍ୟକ୍ରମର ଶୁଭାରମ୍ଭ ପରିଷଦର ଅଧ୍ୟକ୍ଷ ମନୋଜ ରଥ କରିଥିଲେ |ଆଗାମୀ ଦିନରେ ଏହି ସହାୟତା କାର୍ଯ୍ୟକ୍ରମକୁ ତ୍ୱରାନ୍ୱିତ କରାଯିବା ପାଇଁ ଯୋଜନା କରାଯାଇଛି |
