ଚିଠିରେ ସେ ଲେଖିଛନ୍ତି ଯେ, ଏବେ ରାଜ୍ୟରେ କେବଳ ୬ ଲକ୍ଷ ୧୪ ହଜାର ମାତ୍ରା କୋଭିସିଲ୍ଡ ଟିକା ରହିଛି । କିନ୍ତୁ କୋଭିସିଲ୍ଡର ଦ୍ୱିତୀୟ ଡୋଜ୍ ଅପେକ୍ଷାରେ ଏବେ ବି ୨୮.୩୧ ଲକ୍ଷ ଲୋକ ଅଛନ୍ତି । କିନ୍ତୁ ଜୁଲାଇ ମାସରେ ଓଡ଼ିଶାକୁ ପ୍ରାୟ ୨୫ ଲକ୍ଷ ୩୧ ହଜାର ମାତ୍ରା କୋଭିସିଲ୍ଡ ପଠାଇବାକୁ କେନ୍ଦ୍ର ସରକାର ଧାର୍ୟ୍ୟ କରିଛନ୍ତି । ଏଣୁ କେନ୍ଦ୍ର ସରକାର ତୁରନ୍ତ ଅତିରିକ୍ତ ୧୫ ଲକ୍ଷ ମାତ୍ରା କୋଭିସିଲ୍ଡ ପଠାନ୍ତୁ ବୋଲି ସେ ଅନୁରୋଧ କରିଛନ୍ତି ।
ରାଜ୍ୟ ସରକାର ଦୈନିକ ହାରାହାରି ୩ ଲକ୍ଷ ମାତ୍ରା ଟିକା ଦେଉଛନ୍ତି । କିନ୍ତୁ କେନ୍ଦ୍ର ସରକାର ଉଚିତ ସମୟରେ ଆବଶ୍ୟକ ମାତ୍ରାରେ ଟିକା ନ ପଠାଇଲେ ଟିକାକରଣ ପ୍ରଭାବିତ ହେବ ବୋଲି ସେ ଚିଠିରେ ଉଲ୍ଲେଖ କରିଛନ୍ତି ।
