ଗଞ୍ଜାମ, ଗଞ୍ଜାମ ଜିଲ୍ଲା ଗାଙ୍ଗପୁର ଥାନା ଅନ୍ତର୍ଗତ ଖଇରପୁଟି ଗ୍ରାମର ଏକ ଗୁହାଳ ଘରେ ଗତକାଲି ରାତିରେ ଚାଲିଥିବା ଜୁଆ ଆଡ୍ଡା ଉପରେ ପୋଲିସ ପକ୍ଷରୁ ଚଢ଼ଉ କରାଯାଇଛି । ଘଟଣାସ୍ଥଳରୁ ୪ ଜଣ ଜୁଆଡ଼ିଙ୍କୁ ଗିରଫ କରିବା ସହ ସେମାନଙ୍କ ଠାରୁ ୧୬ ହଜାର ୪୫୦ ଟଙ୍କା, ୪ଟି ମୋବାଇଲ୍ ଓ ତାସ୍ ମୁଠା ଜବତ କରିଛି ପୋଲିସ । ଏନେଇ ଗାଙ୍ଗପୁର ଥାନାରେ ଏକ ମାମଲା ରୁଜ୍ଜୁ କରାଯାଇଛି ଓ ପୋଲିସ ପକ୍ଷରୁ ଅଧିକ ତଦନ୍ତ ଚାଲିଛି ବୋଲି ଥାନା ଅଧିକାରୀ ଧିରେଶ କୁମାର ଦାଶ ସୂଚନା ଦେଇଛନ୍ତି ।
