-
ସଂକ୍ରମିତମାନଙ୍କ ସଂଖ୍ୟା ୩୩,୭୯୭କୁ ବୃଦ୍ଧି ।
-
କେବଳ ଜୁନ ମାସର ୨୦ ଦିନରେ ୫,୬୭୮ ଜଣ କୋଭିଡ଼-୧୯ ଭୁତାଣୁ ସଂକ୍ରମିତ
ଏହିସମୟରେ ଜୁନ ୨୦ ଓଡ଼ିଶାରୁ ଚିହ୍ନଟ ହୋଇଥିବା ୩,୫୭୭ କରୋନା ପଜିଟିଭ କେଶ ମଧ୍ୟରେ ମୟୂରଭଞ୍ଜ ଜିଲ୍ଲାରୁ ଗତ ୨୪ ଘଣ୍ଟା ମଧ୍ୟରେ ୧୮୭ ନୂଆ କରୋନା ପଜିଟିଭ ଚିହ୍ନଟ ହୋଇଛନ୍ତି ଏବଂ ଜିଲ୍ଲାରେ ସଂକ୍ରମିତମାନଙ୍କ ସଂଖ୍ୟା ବୃଦ୍ଧି ପାଇ ୩୩,୭୯୭ରେ ପହଁଞ୍ଚିଛି । ସେହିପରି ଜୁନ ୧୯ ପର୍ଯ୍ୟନ୍ତ ଜିଲ୍ଲାରୁ ୯୫ ପ୍ରତିଶତରୁ ଅଧିକ ହାରରେ ୩୧,୯୩୫ ଜଣ ସୁସ୍ଥ ହୋଇ ଫେରିଥିବା ସମୟରେ ଜୁନ ୨୦ ଅପରାହ୍ନ ସୁଦ୍ଧା ୫.୧୫ ପ୍ରତିଶତ ହାରରେ ୧,୭୪୧ ଜଣ ସକ୍ରିୟ ଥାଇ ବାଙ୍କିଶୋଳ କୋଭିଡ଼ ହସପିଟାଲ, ପିଆରଏମ ମେଡ଼ିକାଲ ସ୍ଥିତ ସ୍ୱତନ୍ତ୍ର ୱାର୍ଡ଼, କୋଭିଡ଼ କେୟାର ସେଣ୍ଟର ଓ କଟକ-ଭୂବନେଶ୍ୱର ଆଦିରେ ଚିକିତ୍ସା ହେଉଥିବା ସମୟରେ ଆଜି ଜିଲ୍ଲାରେ ଚିକିତ୍ସାଧୀନ ଅବସ୍ଥାରେ ୪ ଜଣଙ୍କର ମୃତ୍ୟୁ ହୋଇଛି ଏବଂ ୦.୩୫ ପ୍ରତିଶତ ହାରରେ ୧୧୮ରେ ପହଁଞ୍ଚିଛି । ଏଥି ସହିତ ଅନ୍ୟ କାରଣରୁ ୩ ଜଣଙ୍କର ମୃତ୍ୟୁ ହୋଇଥିବାର ଓଡ଼ିଶା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂତ୍ରରୁ ଜଣାପଡ଼ିଛି ।
