ବଲାଙ୍ଗିର, ଭାରସାମ୍ୟ ହରାଇ ଏକ କାର୍ ଗଛରେ ଧକ୍କା ଦେବା ଫଳରେ ଜଣେ ଡ଼ାକ୍ତରଙ୍କ ସମେତ ୩ ଜଣ ଆହତ ହୋଇଛନ୍ତି । ଦେଓଗାଁ ରାସ୍ତାର ନାଇକେନସିରା ନିକଟରେ ଘଟିଯାଇଛି ଏଭଳି ଏକ ଦୁର୍ଘଟଣା । କାର୍ ଟି ଭୁବନେଶ୍ୱରରୁ କଳାହାଣ୍ଡି ଜିଲ୍ଲାର ଜୁନାଗଡ଼ ଅଭିମୁଖେ ଯାଉଥିବା ବେଳେ ହଠାତ୍ କାର୍ ର ଏକ ଚକା ଫାଟି ଯିବାରୁ କାର୍ ଟି ଭାରସାମ୍ୟ ହରାଇ ଗଛରେ ଧକ୍କା ଦେଇଥିଲା । ଆହତ ଡ଼ାକ୍ତରଙ୍କ ନାମ ଶଙ୍କର୍ଷଣ ସାହୁ । ତାଙ୍କ ଘର ବ୍ରହ୍ମପୁରରେ ହୋଇଥିବା ବେଳେ ସେ ଭୁବନେଶ୍ୱରରେ କାର୍ଯ୍ୟ କରନ୍ତି । ଦୁର୍ଘଟଣାରେ ଡ଼ାକ୍ତର ଶଙ୍କର୍ଷଣଙ୍କ ଭାଇ ଓ ଅନ୍ୟ ଜଣେ ସାଙ୍ଗ ମଧ୍ୟ ଆହତ ହୋଇଛନ୍ତି । ଆହତ ମାନଙ୍କୁ ଚିକିତ୍ସା ନିମନ୍ତେ ବଲାଙ୍ଗିର ସ୍ଥିତ ଭୀମଭୋଇ ମେଡ଼ିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତି କରାଯାଇଛି ।
