ପୁରୀ,ପୁରୀ ସହରକୁ ବ୍ରାଉନ ସୁଗାର ଯୋଗାଇବା ଓ ବିକ୍ରିକରିବା ଅଭିଯୋଗ ରେ ତାଳବଣିଆ ପୋଲିସ ଆଜି 2ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି l ପୋଲିସ ସୂତ୍ରରୁ ପ୍ରକାଶ ଯେ ବାଲିଘାଟ ଛକରେ ତାଳବଣିଆ ଥାନା ପକ୍ଷରୁ ମାସ୍କ ଚେକିଂ କରାଯାଉଥିଲା l ଏହି ସମୟରେ ଦୁଇ ଜଣ ଯୁବକ ଖସି ପଳାଇବାକୁ ଚେଷ୍ଟା କରୁଥିଲେ l ପୋଲିସ ସନ୍ଦେହ କରି ପଚାରିବାରୁ ସେମାନେ ବ୍ରାଉନ ସୁଗାର କାରବାରରେ ଜଡିତ ଥିବା ସ୍ୱୀକାର କରିଥିଲେ l ଏ ସମ୍ପର୍କରେ ତାଳବଣିଆ ଥାନାରେ 79/21 ନମ୍ବର ରେ ମାମଲା ରୁଜୁ କରି 2ଜଣଙ୍କୁ ଗିରଫ କରିଥିଲେ l ଗିରଫ ଯୁବକମାନେ ହେଲେ ଗଞ୍ଜାମ ଜିଲ୍ଲା ବ୍ରହ୍ମପୁର ସଦରଥାନା ଅନ୍ତର୍ଗତ ବାଲିପଡ଼ା ଗ୍ରାମର ଶଙ୍କର ଦାସ,30ବର୍ଷ l ସେ ବର୍ତମାନ ଖୋର୍ଦ୍ଧା ଜିଲ୍ଲା ନନ୍ଦନକାନନ ଥାନା ଅନ୍ତର୍ଗତ ପଦାସାହି ରେ ରହୁଛି l ସେହିପରି ଦ୍ୱିତୀୟ ଅଭିଯୁକ୍ତ ଜଣଙ୍କ ପୁରୀ ସହର ବାସେଳୀସାହି ଥାନା ଅଧୀନ ମିଶ୍ର ସାହି ଜଗନ୍ନାଥ ବସ୍ତି ର ପଞ୍ଚୁ ବେହେରା,28ବର୍ଷ l ସେମାନେ ବେପାର ଓ ଲାଭ ପାଇଁ ଏପରି ଧନ୍ଦା ବାଛିଥିବା କହିଥିଲେ l ସେମାନଙ୍କ ଠାରୁ 6ଗ୍ରାମ 970ମିଲିଗ୍ରାମ ବ୍ରାଉନ ସୁଗାର ପୋଲିସ ଜବତ କରିଛି l ଯାହାର ବଜାର ମୂଲ୍ୟ ଆନୁମାନିକ 61ହଜାର ଟଙ୍କା ହେବ l ଏହାସହ ଗୋଟିଏ ନାଲିକଳା ରଙ୍ଗ ର ମଟରସାଇକେଲ ଓ ଏକ ହଜାର ଟଙ୍କା ଜବତ କରିଛି l
