କନ୍ଧମାଳ, କନ୍ଧମାଳ ଜିଲ୍ଲା ଫୁଲବାଣୀ ନିକଟସ୍ଥ ଗୁଦାରି ସାଧନ ଛକ ଠାରେ ଅବକାରୀ ବିଭାଗ ପକ୍ଷରୁ ଚଢ଼ଉ କରାଯାଇ ପତ୍ରକୋବି ବୋଝେଇ ହୋଇଥିବା ଏକ ପିକଅପ୍ ଭ୍ୟାନ୍ ରୁ ୧୦୮ କେଜି ଗଞ୍ଜେଇ ଜବତ ହୋଇଛି । ଘଟଣାରେ ୩ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । କୌଣସି ସୂତ୍ରରୁ ଖବର ପାଇ ଜିଲ୍ଲା ଅବକାରୀ ବିଭାଗ ପକ୍ଷରୁ ଆଜି ଭୋର୍ ପ୍ରାୟ ୫ଟା ସମୟରେ ଗଞ୍ଜେଇ ଚାଲାଣ ସମ୍ପର୍କରେ ସୂଚନା ପାଇବା ପରେ ଉକ୍ତ ସ୍ଥାନରେ ଅପେକ୍ଷା କରି ରହିଥିଲେ । ଏହି ସମୟରେ ଏକ ପତ୍ର କୋବି ବୋଝେଇ ପିକଅପ୍ ଭ୍ୟାନ୍ ଫୁଲବାଣୀ ଭୁବନେଶ୍ୱର ଅଭିମୁଖେ ଯାଉଥିବା ବେଳେ ତାକୁ ଅଟକାଇ ଯାଂଚ୍ କରିଥିଲେ । ଯାଂଚ୍ ବେଳେ ଭ୍ୟାନ୍ ରୁ ୧୦୮ କେଜି ଗଞ୍ଜେଇ ଜବତ ହୋଇଥିଲା । ଘଟଣାରେ ୩ ଜଣଙ୍କୁ ଗିରଫ କରି କୋର୍ଟଚାଲାଣ କରାଯାଇଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୪ ଲକ୍ଷରୁ ଉର୍ଦ୍ଧ୍ୱ ହେବ ବୋଲି ଅବକାରୀ ଇନ୍ସପେକ୍ଟର ଅଜୟ କୁମାର ବେହେରା ସୂଚନା ଦେଇଛନ୍ତି ।
