-
ତୃତୀୟ ଦିନରେ ଭାରତର ମୋଟ ଟିକାକରଣ ୧୦.୮ କୋଟିକୁ ଅତିକ୍ରମ କରିଛି
-
୧୦ ରାଜ୍ୟର ଦୈନିକ କରୋନା ମାମଲାରେ ବୃଦ୍ଧି ହେଉଛି
ଟିକାକରଣ ଅଭିଯାନର ୮୭ ତମ ଦିବସ(୧୨ ଏପ୍ରିଲ ୨୦୨୧)ରେ ୪୦,୦୪,୫୨୧ ଡୋଜ୍ ଟିକା ଦିଆଯାଇଛି । ଏହା ମଧ୍ୟରେ ୫୨,୦୮୭ ସେସନରେ ୩୪,୫୫,୬୪୦ ଜଣ ହିତାଧିକାରୀଙ୍କୁ ପ୍ରଥମ ଡୋଜ୍ ଏବଂ ୫,୪୮,୮୮୧ ଜଣ ହିତାଧିକାରୀଙ୍କୁ ଦ୍ୱିତୀୟ ଡୋଜ୍ ରହିଛି ।ଦୈନିକ ଟିକାକରଣ କ୍ଷେତ୍ରରେ ଭାରତରେ ହାରାହାରି ୪୧,୬୯,୬୦୯ ଡୋଜ୍ ଟିକା ଦିଆଯାଉଛି, ଯାହାକି ବିଶ୍ୱସ୍ତରରେ ଅଗ୍ରଣୀ ।
ଭାରତରେ ଦୈନିକ କରୋନା ମାମଲା କ୍ରମାଗତ ବୃଦ୍ଧି ପାଇବାରେ ଲାଗିଛି । ଗତ ୨୪ ଘଂଟା ମଧ୍ୟରେ ଦେଶରେ ୧,୬୧,୭୩୬ ଜଣ କରୋନାରେ ସଂକ୍ରମିତ ହୋଇଛନ୍ତି ।
ମହାରାଷ୍ଟ୍ର, ଉତ୍ତର ପ୍ରଦେଶ, ଛତିଶଗଡ଼, ଦିଲ୍ଲୀ, କର୍ଣ୍ଣାଟକ, ତାମିଲନାଡ଼ୁ, ମଧ୍ୟପ୍ରଦେଶ, ଗୁଜରାଟ, ରାଜସ୍ଥାନ ଏବଂ କେରଳ ଆଦି ୧୦ଟି ରାଜ୍ୟରେ କୋଭିଡର ଦୈନିକ ମାମଲା ବୃଦ୍ଧି ପାଇବାରେ ଲାଗିଛି । ନୂଆ ମାମଲା ମଧ୍ୟରୁ ୮୦.୮୦% ମାମଲା ଆସିଛି ଉପରୋକ୍ତ ୧୦ ରାଜ୍ୟରୁ ।
ମହାରାଷ୍ଟ୍ରରେ ଗୋଟିଏ ଦିନରେ ସର୍ବାଧିକ ୫୧,୭୫୧ ମାମଲା ଚିହ୍ନଟ ହୋଇଛି । ଏହା ପଛକୁ ଉତ୍ତର ପ୍ରଦେଶରେ ୧୩,୬୦୪ ଏବଂ ଛତିଶଗଡ଼ରେ ୧୩,୫୭୬ ମାମଲା ଚିହ୍ନଟ ହୋଇଛି ।
ଭାରତରେ ମୋଟ ସକ୍ରିୟ କରୋନା ମାମଲା ୧୨,୬୪,୬୯୮ରେ ପହଞ୍ଚିଛି । ଏହା ଦେଶର ମୋଟ ପଜିଟିଭ୍ ମାମଲାର ୯.୨୪% । ଗତ ୨୪ ଘଂଟା ମଧ୍ୟରେ ମୋଟ ସକ୍ରିୟ ମାମଲାରେ ସିଧାସଳଖ ୬୩,୬୮୯ ମାମଲା ବୃଦ୍ଧି ଘଟିଛି ।
ମହାରାଷ୍ଟ୍ର, ଛତିଶଗଡ଼, କର୍ଣ୍ଣାଟକ, ଉତର ପ୍ରଦେଶ ଏବଂ କେରଳ ଆଦି ପାଞ୍ଚଟି ରାଜ୍ୟରେ ଦେଶର ମୋଟ ସକ୍ରିୟ କରୋନା ମାମଲାର ୬୮.୮୫% ମାମଲା ରହିଛି । କେବଳ ମହାରାଷ୍ଟ୍ରରେ ଦେଶର ମୋଟ ସକ୍ରିୟ ମାମଲାର ୪୪.୭୮% ମାମଲା ରହିଛି ।
