ରାଉରକେଲା – ବୀରମିତ୍ରପୁର ନିକଟ ନୂଆଗାଁ ବ୍ଲକ ରାଣିବଗିଚା ନିକଟରେ ଆଜି ଗୋଟିଏ ଛୁଆ ହାତୀର ମୃତୁ୍ୟ ହୋଇଥିବା ଜଣାପଡିଛି । ତା’ର ବୟସ ୨ ବର୍ଷ ହେବ । ସେ ୨ବର୍ଷ ତଳେ ସେହି ଅଂଚଳରେ ଜନ୍ମ ହୋଇଥିବା ଅଂଚଳବାସୀ କୁହନ୍ତି ।
ଖବରରୁ ପ୍ରକାଶ ଯେ, ରାଣିବଗିଚା ପାଖରେ ଥିିବା ଏକ ପୋଖରୀକୁ ଆଜି ସକାଳ ୬ଟାରେ ୪ଟି ମାଈ ହାତୀ ଗାଧୋଇବା ଲାଗି ଆସିଥିବା ବେଳେ ସାଙ୍ଗରେ ଏହି ଛୁଆ ହାତୀଟି ଥିଲା । ତେବେ ଗାଧୋଇବା ପରେ ୪ ହାତୀଙ୍କ ଭିତରେ କୌଣସି କାରଣରୁ ଝଗଡ଼ା ହେବାରୁ ସେହି ଭିତରେ ଛୁଆ ହାତୀଟି ପଶି ଆସିବାରୁ ସେ ଆଘାତ ପାଇ ମୃତୁ୍ୟବରଣ କରିଥିବା କୁହାଯାଉଛି । ସେହି ମାଈ ହାତୀ ଦଳ ସେ ଯାଗା ଛାଡି ଦେଇଥିବା ବେଳେ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଁଚି ହାତୀ ଛୁଆର ମୃତଦେହକୁ ଜବତ କରିଛନ୍ତି । ବିଭାଗ ପକ୍ଷରୁ ଏନେଇ ତଦନ୍ତ ଆରମ୍ଭ ହୋଇଛି ।
