ପୁରୀ ଜିଲ୍ଲା ଚେସ୍ ଆସୋସିଏସନ ଆନୁକୂଲ୍ୟରେ ବଡ଼ଦାଣ୍ଡ ସ୍ଥିତ ଅନ୍ନପୂର୍ଣ୍ଣା ରଙ୍ଗମଞ୍ଚ ଠାରେ ଜିଲ୍ଲା ସ୍ତରୀୟ ଚେସ୍ ପ୍ରତିଯୋଗିତା 2021 ଶନିବାର ଦିନ ଉଦଘାଟିତ ହୋଇଯାଇଛି । ଏହି ପ୍ରତିଯୋଗିତା ୨ ଦିନ ଧରି ଚାଲିବ । ପୁରୀ ଜିଲ୍ଲା କ୍ରୀଡା ସଂସଦର ସମ୍ପାଦକ ରବି ଶଙ୍କର ପ୍ରତିହାରି ମୁଖ୍ୟ ଅତିଥି ଭାବରେ ଯୋଗଦାନ କରି ପ୍ରତିଯୋଗିତାକୁ ଆନୁଷ୍ଠାନିକ ଭାବେ ଶୁଭ ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲ୍ଲା ଚେସ୍ ଆସୋସିଏସନ ର ସମ୍ପାଦକ ପ୍ରଦ୍ୟୁମ୍ନ ମିଶ୍ର , ଉପସଭାପତି ସୁରେଶ ଚନ୍ଦ୍ର ସାହୁ ଏବଂ E24 ମେଡ଼ିକାଲର ଡାକ୍ତର ସୂର୍ଯ୍ୟକାନ୍ତ ପୃଷ୍ଟି ପ୍ରମୁଖ ମଞ୍ଚରେ ଉପସ୍ଥିତ ଥିଲେ । ଚେସ୍ ପ୍ରତିଯୋଗିତାରେ ଭାଗ ନେଇଥିବା ସମସ୍ତ ଖେଳାଳୀଙ୍କ ଭବିଷ୍ୟତ ଖୁଵ୍ ଉଜ୍ଵଳ ବୋଲି ଅତିଥିମାନେ ମତ ପୋଷଣ କରିଥିଲେ । ଜୁନିୟର ଏବଂ ସିନିୟର ବିଭାଗରେ ଜିଲ୍ଲାରୁ ପ୍ରାୟ ୫୪ ଜଣ ପ୍ରତିଯୋଗୀ ଭାଗନେଇଛନ୍ତି । ପ୍ରତିଯୋଗୀ ମାନଙ୍କ ମଧ୍ୟରେ ୬ ରାଉଣ୍ଡ ଖେଳ ଖେଳା ଯିବ । ପ୍ରତିଯୋଗିତାରେ କୃତିତ୍ୱ ହାସଲ କରିବା ପ୍ରତିଯୋଗୀ ମାନଙ୍କୁ ରିବିବାର ଉଦଯାପନି ସନ୍ଧ୍ୟାରେ ମାନପତ୍ର ସହ ଟ୍ରଫି ପ୍ରଦାନ କରାଯିବ ବୋଲି ଆସୋସିଏସନ ପକ୍ଷରୁ ସୂଚନା ଦିଆଯାଇଛି । ପ୍ରତିଯୋଗିତା କୁ ରଚିତା ମହାନ୍ତି , ଶୁଭଶ୍ରୀ ଦାସ , ପ୍ରଜ୍ଞା ପରମିତା ନନ୍ଦ , ସ୍ୱାଧୀନ ମହାନ୍ତି , ଏବଂ ସଞ୍ଜୀବ୍ ରଥଶର୍ମା ପ୍ରମୁଖ ପରିଚାଳନା କରିଥିଲେ ।
