ଗଂଜାମ – ଗତକାଲି ସନ୍ଧ୍ୟାରେ ପୋଲସରା ରମ୍ଭାରିଆ ନାଳରେ ବାଇକ ଦୁର୍ଘଟଣାରେ ଦୁଇଜଣ ଯୁବକଙ୍କ ଶୋଚନୀୟ ମୃତ୍ରୁ ଘଟିଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଥିବା ଜଣାପଡ଼ିଛି ବାଇକ୍ରେ ଜାଗିଲ ଡେଙ୍ଗା ପଦର ଗ୍ରାମର ବସନ୍ତ ସ୍ୱାଇଁ, ସଂଗ୍ରମ ପ୍ରଧାନ ଓ ସୋଡ଼କ ଗ୍ରାମର ଅନ୍ୟ ଜଣେ ଯୁବକ ସିଂହାସିନୀଙ୍କୁ ଦର୍ଶନ କରି ଫେରୁଥିବା ବେଳେ ପୋଲସରାଠାରୁ ୧୫ କି.ମ.ି ଦୂର ଗମ୍ଭାରୀ ଥାନାଂଚଳରେ କଲଭଟକୁ ବାଇକ ଖୁବ୍ ଜୋରରେ ପିଟି ଦେବା ଫଳରେ ବାଇକରେ ଯାଉଥିବା ତିନିଜଣ ଯୁବକ ଗୁରୁତର ଆହତ ହୋଇଥିଲେ । ପ୍ରଥମେ ଏହି ତିନି ଜଣଙ୍କୁ ପୋଲସରା ଡାକ୍ତରଖାନାରେ ଚିକିତ୍ସା ପାଇଁ ଭର୍ତି କରାଯାଇଥିଲା କିନ୍ତୁ ଅବସ୍ଥା ଗୁରୁତର ଥିବାରୁ ଆମ୍ବୁଲାନ୍ସରେ ଆହତ ମାନଙ୍କୁ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଉଥିବା ବେଳେ ରାସ୍ତାରେ ବସନ୍ତ ସ୍ୱାଇଁ ଓ ସଂଗ୍ରାମ ପ୍ରଧାନଙ୍କ ମୃତ୍ୟୁ ଘଟିଥିବା ବେଳେ ସୋଭିକ ଗ୍ରାମର ଆହତ ଯୁବକଙ୍କ ଅବସ୍ଥାରେ ଉନ୍ନତି ଘଟିଥିବା ଜଣାପଡ଼ିଛି । ମୃତ ଦୁଇ ଯୁବକଙ୍କ ଶବକୁ ଆଜି ବ୍ରହ୍ମପୁର ଡାକ୍ତରଖାନାରେ ବ୍ୟବଚ୍ଛେଦ କରାଯାଇ ପରିବାର ଲୋକଙ୍କୁ ଦିଆଯଇଛି । ଯୁବକଦ୍ୱୟଙ୍କ ବୟସ ପାଖାପାଖି ୨୫ ବର୍ଷ ମଧ୍ୟରେ ହେବ ବୋଳି ଜଣାପଡ଼ିଛି । ପୋଲସରା ପୁଲିସ ଘଟଣାର ତଦନ୍ତ କରିବା ସହ ଦୁର୍ଘଟଣାଗ୍ରସ୍ତ ବାଇକକୁ ଜବତ କରି ଥାନାରେ ମାମଲା ରୁଜୁ କରିଥିବା ଜଣାପଡ଼ିଛି ।
