ଭୁବନେଶ୍ୱର, ୩ ଦିନିଆ ଓଡିଶା ଗସ୍ତରେ ଆସିଥିବା ରାଷ୍ଟ୍ରପତି ଶ୍ରୀ ରାମନାଥ କୋବିନ୍ଦ ଆସନ୍ତାକାଲି (ସୋମବାର)ପୁରୀ ଗସ୍ତରେ ଯିବେ । ରାଷ୍ଟ୍ରପତି ପୁରୀରେ ପ୍ରଥମେ ଶ୍ରୀମନ୍ଦିର ଯାଇ ଶ୍ରୀଜୀଉଙ୍କୁ ଦର୍ଶନ କରିବା ପରେ ଅପରାହ୍ନରେ କୋଣାର୍କ ଯାଇ ସୂର୍ଯ୍ୟ ମନ୍ଦିର ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ରାଷ୍ଟ୍ରପତିଙ୍କ ପୁରୀ ଗସ୍ତକୁ ଦୃଷ୍ଟିରେ ରଖି ସେଠାରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି ।
ଶନିବାର ସଂଧ୍ୟାରେ ପତ୍ନୀଙ୍କ ସହ ଭୁବନେଶ୍ୱରରେ ପହଂଚିବା ପରେ ରାଷ୍ଟ୍ରପତି ରାଜଭବନ ଠାରେ ରାତ୍ରୀଯାପନ କରିଥିଲେ । ରବିବାର ଦିନ ରାଷ୍ଟ୍ରପତି ରାଉରକେଲା ଯାଇ ଏନଆଇଟିର ସମାବର୍ତନ ଉତ୍ସବରେ ଯୋଗ ଦେବା ସହ ଆଇଜିଏଚର ସୁପର ସ୍ପେଶାଲିଟି ହସ୍ପିଟାଲର ଲୋକାର୍ପଣ କରିଥିଲେ । ସଂଧ୍ୟାରେ ସେ ଭୁବନେଶ୍ୱର ରାଜଭବନକୁ ଫେରିଥିଲେ ।
