ବାଇକ୍ ଦୁର୍ଘଟଣାରେ ଜଣେ ମୃତ 

ଗଞ୍ଜାମ, ଗଞ୍ଜାମ ଜିଲ୍ଲା ଆସିକା ଥାନା ଅନ୍ତର୍ଗତ ପିତଳ ଚେରମାରିଆ ଗ୍ରାମ ନିକଟରେ ଆଜି ପୂର୍ବାହ୍ନରେ ଏକ ବାଇକ୍ ଦୁର୍ଘଟଣାରେ ସୋରଡ଼ା ବରାଡ଼ି ଅଂଚଳର କାଳୀଚରଣ ଗୌଡ଼ (୫୨ )ଙ୍କ ମୃତ୍ୟୁ ଘଟିଥିବା ଜଣାପଡିଛି । ସେ ବାଇକ୍ ନଂ ଓଡ଼ି୦୭-୭୧୬୪ ଯୋଗେ ବ୍ରହ୍ମପୁର ଅଭିମୁଖେ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା । ତାଙ୍କୁ ତୁରନ୍ତ ଚିକିତ୍ସା ନିମନ୍ତେ ଆସିକା ଡ଼ାକ୍ତରଖାନାରେ ଭର୍ତି କରାଯାଇଥିଲା । ତେବେ ସେଠାରେ ତାଙ୍କର ମୃତ୍ୟୁ ଘଟିଛି । ଆସିକା ପୋଲିସ ଡ଼ାକ୍ତରଖାନାରେ ପହଂଚି ଶବ ଜବତ କରିବା ସହ ଥାନା କେସ୍ ନଂ ୧୫୪/୨୧ ରେ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି ।