ଭଦ୍ରକ – ଭଦ୍ରକ ବ୍ଲକ୍ ଅଧୀନସ୍ଥ ବନ୍ଧଗାଁ ପଂଚାୟତ ପାପଡା ଗ୍ରାମର ମଠ ପଡିଆରେ ବି.ଏନ୍. କ୍ଲବ୍ ପକ୍ଷରୁ ଏକ ଦିବସୀୟ ଜିଲାସ୍ତରୀୟ ଫୁଟବଲ ଟୁର୍ଣ୍ଣାମେ ଅନୁଷ୍ଠିତ ହୋଇଯାଇଛି। ଏହି ଟୁର୍ଣ୍ଣାମେରେ ୮ଟି ଦଳ ଅଂଶଗ୍ରହଣ କରିଥିଲେ। ସମାଜସେବୀ ମାଧବ ଚନ୍ଦ୍ର ବେହେରା ଟୁର୍ଣ୍ଣାମେଟିକୁ ଉଦ୍ଘାଟନ କରିଥିଲେ। ପ୍ରଥମ ସେମି ଫାଇନାଲ ଡିଏଫ୍ଏ ଧର୍ମଶାଳା ଯାଜପୁର ଓ ଗାନ୍ଧି ଆଶ୍ରମ କ୍ଲବ୍ ଭଦ୍ରକ ଏବଂ ଦ୍ବିତୀୟ ସେମିଫାଇନାଲ ୟୁନାଇଟେଡ୍ କ୍ଲବ୍ ଭଦ୍ରକ ଓ ବାଲେଶ୍ବର ଫୁଟ୍ବଲ ଟିମ୍ ମଧ୍ଯରେ ଅନୁଷ୍ଠିତ ହୋଇଥିଲା। ଫାଇନାଲ ଖେଳିବା ପାଇଁ ଡିଏଫ୍ଏ ଧର୍ମଶାଳା ଯାଜପୁର ଓ ବାଲେଶ୍ବର ଫୁଟବଲ ଟିମ୍ ମଧ୍ଯରେ ହେବାପରେ ଟ୍ରାଇବେକର ମାଧ୍ଯମରେ ବାଲେଶ୍ବର ଟିମ୍ ବିଜୟୀ ହୋଇଥିଲା। ଭଦ୍ରକର ବିଜେପି ନେତା ତଥା ସମାଜସେବୀ ଡାକ୍ତର ପ୍ରଦୀପ ନାୟକ ମୁଖ୍ୟ ଅତିଥି, କଂଗ୍ରେସ ନେତା ନଳିନୀକାନ୍ତ ମହାନ୍ତି ସମ୍ମାନିତ ଅତିଥି ଓ ସ୍ଥାନୀୟ ସମିତି ସଭ୍ୟ ଚନ୍ଦ୍ରକାନ୍ତ ମହାପାତ୍ର ସ୍ବତନ୍ର ଅତିଥି ଭାବେ େଯାଗଦେଇ ଉଭୟ ଦଳକୁ ଟ୍ରଫି ପ୍ରଦାନ କରିଥିଲେ। ଜିତେନ୍ଦ୍ର ବାରିକ, ଚିରଂଜନ ଓଝା, ରାମଚନ୍ଦ୍ର ସୋରେନ୍ ଏହି ଖେଳକୁ ପରିଚାଳନା କରିଥିବାବେଳେ ରାମଚନ୍ଦ୍ର ନାୟକ, ଦାମୋଦର ମହାକୁଡ, ପର୍ଶୁରାମ ସେଠୀ ପ୍ରମୁଖ ସଭା ପରିଚାଳନା କରିଥିଲେ।
