ନକଲି ଆଦେଶପତ୍ର ବଳରେ ଥାନାରୁ ଟ୍ରକ୍ କୁ ଖସାଇନେବାକୁ ଉଦ୍ୟମ, ଆଇନଜିବୀ ଗିରଫ :  ଓକିଲ ସଂଘର ବୈଠକ ;  ଅଭିଯୁକ୍ତଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତାବ

ସମ୍ବଲପୁର,ଦୁର୍ଘଟଣା ଘଟାଇ ଥାନାରେ ଅଟକ ଥିବା ଏକ ଟ୍ରକ୍ କୁ ସମ୍ବଲପୁର ଏସଡ଼ିଜେଏମଙ୍କ ନକଲି ଆଦେଶପତ୍ର ବଳରେ ଖସାଇନେବା ଉଦ୍ୟମ ଅଭିଯୋଗରେ ଜଣେ ଆଇନଜିବୀ ବୀର କିଶୋର ପ୍ରଧାନଙ୍କୁ ଗିରଫ କରିଛି ଯୁଯୁମୁରା ଥାନା ପୋଲିସ । ଗିରଫ ପରେ ଆଜି ତାଙ୍କୁ କୋର୍ଟଚାଲାଣ କରାଯାଇଛି । ଏନେଇ ଆଜି ସମ୍ବଲପୁର ଜିଲ୍ଲା ଓକିଲ ସଂଘ ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଯାଇଛି । ଅନୁଷ୍ଠିତ ଏହି ବୈଠକରେ ସମ୍ପୃକ୍ତ ଓକିଲଙ୍କ ବିରୋଧରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ପାଇଁ ପ୍ରସ୍ତାବ ଗ୍ରହଣ କରାଯାଇଛି ।