ବିଜେଡି ହେଉଛି ଓଡିଶା ବିକାଶପ ପ୍ଲାଟଫର୍ମ -ପ୍ରଣବ ପ୍ରକାଶ ଦାସ 

ଭୁବନେଶ୍ୱର, ବିଜୁ ବାବୁ ଓଡିଶାକୁ ଅଗ୍ରଣୀ ରାଜ୍ୟ କରିବାକୁ କାମ କରୁଥିଲେ । ତାଙ୍କ ପରେ ତାଙ୍କ ପୁଅ ଏହି କାମକୁ ଆଗକୁ ନେଉଛନ୍ତି ।    ଓଡିଶାର ବିକାଶ ପାଇଁ ବିଜେଡି ପ୍ଲାଟଫର୍ମ  ହୋଇଛି ବୋଲି କହିଛନ୍ତି ବିଜେଡି ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସ ।  ବିଜୁ ଜୟନ୍ତୀ ଅବସରରେ ଆୟୋଜିତ କାର୍ଯ୍ୟକ୍ରମରେ  ସେ ଏହା କହିଛନ୍ତି ।

ସେ କହିଛନ୍ତି ଯେ  ଆମ ବରିଷ୍ଠ ଯିଏ ଆମ ପାଖରେ ବିଜୁ ବାବୁଙ୍କ ବାର୍ତା ପହଂଚାଇଛନ୍ତି, ଆମ ଯୁବ ଛାତ୍ର ତାକୁ ଉଜ୍ଜୀବିତ କରିବା । ଆମ ନେତାଙ୍କ ଲାଇଫ ଷ୍ଟାଇଲ କଥା କମ କାମ ବେଶି । ଆମେ ୨୪ ଘଣ୍ଟା କାମ କଲେ ବି କମ ହେବ ଯେତେ ସିଏ ଆମ ପାଇଁ କାମ କରୁଛନ୍ତି । ଏହି ବିଜେଡି ପ୍ଲାଟଫର୍ମ ଯାହା ବିଜୁ ଓ ନବୀନ ଆଦର୍ଶରେ ଗଠିତ ହୋଇଛି, ପର ପିଢ଼ି ପାଇଁ ଆହୁରି ଅଧିକ ସୁସଙ୍ଗଠିତ କରିବା ଗୁରୁ ଦାୟିତ୍ୱ । ସ୍ୱାର୍ଥକୁ ବଳିଦାନ ଦେବା । ମୁଖ୍ୟମନ୍ତ୍ରୀଙ୍କ ଋଣୀ ରହିବା କଥା ଯାହା ସେ ଆମକୁ ଦେଇଛନ୍ତି । ଏବେ ଫେରାଇବାର ସମୟ । ସମସ୍ତେ ନବୀନ ଆଦର୍ଶରେ କାମ କରୁଛନ୍ତି । ଆଂଚଳିକ ଦଳ ଗଠନ ହୋଇଛି ବୋଲି ଓଡ଼ିଶା ଆଗେଇ ପାରୁଛି । ଏହା ଆଗାମୀ ଦିନ ସାରା ଦେଶ ଦେଖିବ । ମିଶନ ଶକ୍ତି କେସ ଷ୍ଟଡି ସାରା ବିଶ୍ୱ ପାଇଁ  ବୋଲି ସେ କହିଛନ୍ତି ।