ଇଣ୍ଡୋ କଳିଙ୍ଗ ଟାଇମ୍ସ । ଓଡ଼ିଆ ନିଉଜ। ନା ଅଟକିବ, ନା ନଇଁବ । Odia News Portal । Indo Kaling Times।
ମାଲକାନଗିରି, ମାଲକାନଗିରି ଜିଲା ଚିତ୍ରକୋଣ୍ଡା ସ୍ୱାଭିମାନ ଅଞ୍ଚଳର ଧୂଳିପୁଟ ପଞ୍ଚାୟତ ଧୂଳିପୁଟ ଗାଁ କଲ୍ୟାଣ ସମିତି ଆନୁକୂଲ୍ୟରେ ଧୂଳିପୁଟ ଗାଁ ଠାରେ କୁଡୁମୁଲୁଗୁମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ଅଧିକାରୀ ରଜନୀକାନ୍ତ ଦାଶ, ଯାନବାଇ ମେଡିକାଲ ଅଧିକାରୀ ପ୍ରବୀଣ କୁମାର ସାହୁ ଓ ସ୍ୱାଭିମାନ ଅଞ୍ଚଳ ହେଲଥ ସୁପରଭାଇଜର ଶଶାଙ୍କ ଶେଖର କରଙ୍କ ସହଯୋଗରେ ସ୍ୱାସ୍ଥ୍ୟ ମେଳା ଅନୁଷ୍ଠିତ ହୋଇଯାଇଛି । ସ୍ୱାସ୍ଥ୍ୟ ମେଳା ମାଧ୍ୟମରେ ଉକ୍ତ ଅଞ୍ଚଳର ଜନସାଧାରଣଙ୍କ ସ୍ୱାସ୍ଥ୍ୟ ପରୀକ୍ଷା କରାଯିବା ସହିତ ମାଗଣାରେ ଔଷଧ ବିତରଣ କରାଯାଇଛି । ସେହିଭଳି ଭାବରେ ସ୍ୱାଭିମାନ ଅଞ୍ଚଳ ରାଲେଗାଡ଼ା ପଞ୍ଚାୟତସାରକୁବନ୍ଧ ଏବଂ ବଡପଦର ପଞ୍ଚାୟତର ପଦ୍ମଗିରି ଠାରେ ଗାଁ କଲ୍ୟାଣ ସମିତି ଆନୁକୂଲ୍ୟରେ ସ୍ୱାସ୍ଥ୍ୟ ମେଳା କରାଯାଇ ଜନସାଧାରଣଙ୍କର ସ୍ୱାସ୍ଥ୍ୟ ପରୀକ୍ଷା କରି ମାଗଣାରେ ଔଷଧ ବିତରଣ କରିଥିଲେ । ଉକ୍ତ ସ୍ୱାଭିମାନ ଅଞ୍ଚଳରେ ଗାଁ କଲ୍ୟାଣ ସମିତି ଆନୁକୂଲ୍ୟରେ ହେଉଥିବା ସ୍ୱାସ୍ଥ୍ୟ ମେଳା କାର୍ଯ୍ୟକ୍ରମକୁ ମହିଳା ଓ ପୁରୁଷ ସ୍ୱାସ୍ଥ୍ୟ କର୍ମି ସିମାଞ୍ଚଳ ସ୍ୱାଇଁ, ପ୍ରଣତି ମଣ୍ଡଳ, ସୁମିତ୍ରା ଦାଶ ଓ ହେମଲତା ମହନ୍ତ ଏବଂ ଅଙ୍ଗନବାଡି କର୍ମି ବୈଦେହୀ ଗତନ, ସସ୍ମିତା ବେହେରା, ପ୍ରମିଳା ପାରମେଲ ଓ ସିବି ଡେଭିଡ ପରିଚାଳନା କରିଥିଲେ।
