ମାଲକାନଗିରି, ଆଜି ଅନୁଷ୍ଠିତ ହେବାକୁ ଥିବା ଏକ ବାଲ୍ୟ ବିବାହକୁ ବନ୍ଦ କରିଛି ଚାଇଲଡ ଲାଇନ । ବିବାହ ହେବାକୁ ଯାଉଥିବା ଖବର ପାଇ ଚାଇଲଡ ଲାଇନର କେ. ମିଶାଇଲ ରାଜୁ., କାଲିମେଳା ସିଡିପିଓ ସନ୍ଧ୍ୟାରାଣୀ ନାୟକ, କାଲିମେଳା ପୋଲିସ ସୁପରଭାଇଜର ପ୍ରମୁଖ କାଲିମେଳା ବ୍ଲକ ଅନ୍ତର୍ଗତ ଭେଜାଙ୍ଗିବାଡା ପଞ୍ଚାୟତ ପୋରଲୁଗୁଡା ଗ୍ରାମକୁ ଯାଇ ସେଠାରେ ବାଲ୍ୟବିବାହକୁ ବନ୍ଦ କରିଥିଲେ । ଜଣେ ୧ ୬ ବର୍ଷୀୟା ନାବାଳିକା ସହ ହରଦାଗୁଡା ଗ୍ରାମର ଗଣେଶ ବେହେରା ନାମକ ଯୁବକ ବିବାହ ହେବାର ଥିଲା । ବାଲ୍ୟ ବିବାହ ସମ୍ପର୍କରେ ୧0୯ ୮ କୁ ଫୋନ୍ ଆସିବା ପରେ ଉକ୍ତ ଟିମ୍ ଯାଇ ବିବାହ ବନ୍ଦ କରିଥିଲେ । ପ୍ରକାଶ ଥାଉକି ଗତ 24 ଦିନ ମଧ୍ୟରେ ଚାଇଲ୍ଡ ଲାଇନ ପକ୍ଷରୁ କାଲିମେଳା ବ୍ଲକ ଅଞ୍ଚଳରେ ପ୍ରାୟ ୧0 ରୁ ଉର୍ଧ୍ୱ ବାଲ୍ୟ ବିବାହକୁ ରୋକାଯାଇଛି ।
