କନ୍ଧମାଳ – କୁମାର ପୂର୍ଣ୍ଣମୀ ଅବସରରେ ଫୁଲବାଣୀ ସହରରେ ଗଜଲକ୍ଷ୍ମୀ ପୂଜା ବହୁଆଡମ୍ବରରେ ଆରମ୍ଭ ହୋଇଛି । ମେଡିକାଲ ଛକ ସ୍ଥିତ ଚାଇନା ମାର୍କେଟ ଠାରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ୧୧ ତମ ମା ଗଜଲକ୍ଷ୍ମୀଙ୍କ ମୃଣ୍ମୟ ମୂର୍ତିପୂଜା ଆଜି ଠାରୁ ଆରମ୍ଭ ହୋଇଛି । ସକାଳେ କଳସ ଶୋଭାଯାତ୍ରା କରାଯାଇ ମାଁଙ୍କ ଆବାହନ କରାଯିବା ପରେ ସଂନ୍ଧ୍ୟାରେ ପ୍ରାଣ ପ୍ରତିÂା କରାଯାଇ ପୂଜା ବିଧି ଆରମ୍ଭ ହୋଇଛି । ମାଙ୍କ ଏହି ପୂଜା ଆଜିଠାରୁ ୮ ଦିନ ଧରି ବହୁଆଡମ୍ବରରେ ଅନୁÂିତ ହେବାପରେ ପରେ ଆସନ୍ତା ୨୦ ତାରିଖରେ ବିସର୍ଜନ ଅନୁÂିତ ହେବ । ପ୍ରତିଦିନ ଜିଲ୍ଲା ତଥା ଜିଲ୍ଲା ବାହାରର କଳାକାରଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ କରାଯିବା ସହ ୧୮ ତାରିଖରେ ସର୍ବସାଧାରଣ ପ୍ରସାଦ ସେବନର ବ୍ୟବସ୍ଥା କରାଯାଇଥିବା ପୂଜା କମିଟିର ସଭାପତି ସୁରେଶ ମହାନ୍ତି ଓ ସମ୍ପାଦକରାଜୀବ ଲୋଚନ ମହାନ୍ତି ସୂଚନା ଦେଇଛନ୍ତି । ସେହିପରି ଏଫସିଆଇ ଛକ ସ୍ଥିତ ଶ୍ରୀ ଶ୍ରୀ ଶ୍ରୀ ମହାକାଳେଶ୍ୱର ବଣିକ ସଂଘ ପକ୍ଷରୁ ମା ଗଜଲକ୍ଷ୍ମୀଙ୍କ ପୂଜା ଆନନ୍ଦ ଉଲ୍ଲାସର ସହ ଆରମ୍ଭ ହୋଇଛି । ୧୬ ତାରିଖ ପର୍ଯ୍ୟନ୍ତ ଅନୁÂିତ ହେବାକୁ ଥିବା ଏହି ପୂଜା ଉତ୍ସବରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ସହ ୧୭ ତାରିଖରେ ଅନ୍ନ ପ୍ରସାଦ ସେବନର କାର୍ଯ୍ୟକ୍ରମ ରହିଥିବା ପୂଜା କମିଟି ପ କ୍ଷରୁ ସୂଚନା ଦିଆଯାଇଛି ।
