କେନ୍ଦ୍ରାପଡ଼ା – କେନ୍ଦ୍ରାପଡା ଏକ ଅପରାଧି ପ୍ରବଣ ସହରଭାବେ ଜଣାଶୁଣା ଥିବାବେଳେ ପ୍ରସିଦ୍ଧ ଗଜଲକ୍ଷ୍ମୀ ପୂଜାକୁ ଶାନ୍ତି ଶୃଙ୍ଖଳାରେ ପାଳନ କରିବା ନିମନ୍ତେ ଚଳିତ ବର୍ଷ ସହରରେ ୩୬ଟି ସିସି କ୍ୟାମେରା ମୃତୟନ କରାଯାଇଛି । ଏହାର ନିୟନ୍ତ୍ରଣ କକ୍ଷ ପୁରୁଣାମଟରଷ୍ଟାଣ୍ଡ ସ୍ଥିତ ଟାଉନ୍ ଫାଣ୍ଡିରେ ରହିଛି । ଏଠାରେ ପୋଲିସ ଅଧିକାରୀ ରହି ଏହାକୁ ପରିଚାଳନା କରିବେ । ଆଜି ଅତିରିକ୍ତ ପୋଲିସ ମହାନିଦେ୍ର୍ଧଶକ ଆଶୀଷ କୁମାର ସିଂ ଏହି ନିୟନ୍ତ୍ରଣ କକ୍ଷରେ ସିସି କ୍ୟାମେରାକୁ ଉଦ୍ଘାଟନ କରିଛନ୍ତି । କେନ୍ଦ୍ରାପଡା ବିଧାୟକ ଶଶୀଭୂଷଣ ବେହେରା ଉପସ୍ଥିତ ଥିବାବେଳେ ଭାଇଚାରାର ସହରରେ ଭାତୃଭାବକୁ ସୁଦୁଢ କରିବା ଏବଂ ଜନସାଧାରଣଙ୍କୁ ସହଯୋଗ କରିବା ନିମନ୍ତେ ସିସି କ୍ୟାମେରା ସହାୟତା ହେବ ବୋଲି ସେ କହିଛନ୍ତି । ସୂଚନା ଯୋଗ୍ୟ ଯେ କେନ୍ଦ୍ରାପଡା ବିଧାୟକ ତାଙ୍କ ବିଧାୟକ ପାଣ୍ଠିରୁ ଏହି କ୍ୟାମେରା ମୃତୟନ ପାଇଁ ୧୫ ଲକ୍ଷ ଟଙ୍କା ଅନୁଦାନ ଯୋଗାଇ ଦେଇଥିଲେ । ଆଜିର ଏହି ଉତ୍ସବରେ କେନ୍ଦ୍ରାପଡା ଏସ୍ପି ନୀତିଶେଖର, ଏସ୍ଡିପିଓ ରାଜୀବ ଲୋଚନ ପଣ୍ଡା, ଟାଉନ୍ ଆଇଆଇସି ଜ୍ୟୋତିରଂଜନ ସାମନ୍ତରାୟ ଏବଂ ଅନ୍ୟାନ୍ୟ ପୋଲିସ ଅଧିକାରୀମାନେ ଉପସ୍ଥିତ ଥିଲେ ।
