-
କାର୍ଯ୍ୟକ୍ରମରେ ଯୁବ ପ୍ରତିଭା ଓ କୋଭିଡ଼ ଯୋଦ୍ଧା ଙ୍କୁ ସମ୍ମାନିତ କରାଯାଇଥିଲା
କୈଳାଶ ଚନ୍ଦ୍ର ପଣ୍ଡା, ପୁରୀ
ଗତ ୨ ଦିନ ଧରି ଅର୍ଣ୍ଣପୂର୍ଣ୍ଣା ଥିଏଟରରେ ଚାଲିଥିବା ଟ୍ୟାଲେଣ୍ଟ ଫେଷ୍ଟ ୨୦୨୧ର ଆଜି ଉଦଯାପନ ଉତ୍ସବ। ଏହି କାର୍ଯ୍ୟକ୍ରମରେ ପ୍ରାୟ ୨୦୦ରୁ ଉର୍ଦ୍ଧ୍ଵ ଶିଶୁ କଳାକାର ଅଂଶଗ୍ରହଣ କରିଥିଲେ। ଏଥି ସହିତ ଏହି କାର୍ଯ୍ୟକ୍ରମକୁ ଅନୁଷ୍ଠାନର ସମସ୍ତ କାର୍ଯ୍ୟକର୍ତ୍ତାମାନେ ସୁଚାରୁ ରୂପେ ପାଳନ କରିଥିଲେ।
ଏହି ଉତ୍ସବରେ ମୁଖ୍ୟ ଅତିଥି ଭାବେ ରାଜ୍ୟ ଯୋଜନା ବୋର୍ଡ଼ ଉପାଧ୍ୟକ୍ଷ ଶ୍ରୀଯୁକ୍ତ ସଞ୍ଜୟ ଦାସ ବର୍ମା, ସମ୍ମାନିତ ଅତିଥି ପୂର୍ବତନ ଜିଲ୍ଲା ପରିଷଦ ଅଧ୍ୟକ୍ଷ ଦିବାକର ପାତ୍ର,ରାଜ୍ୟ ଯୁବ ବିଜେଡି ଉପସଭାପତି ଶ୍ରୀଯୁକ୍ତ ସୁନିଲ ମହାନ୍ତି, ସବ୍ୟସାଚୀ ମହାପାତ୍ର, କାର୍ତ୍ତବୀଜ ମହାନ୍ତି, ସୁରେନ୍ଦ୍ର କୁମାର ରାଉତ, ଭଗବାନ ମହାସୁଆର ପ୍ରମୁଖ ଉପସ୍ଥିତ ଥିଲେ। ଏଥି ସହିତ ଟ୍ୟାଲେଣ୍ଟ ଫେଷ୍ଟର ସଭାପତି ନାରାୟଣ ଖୁଣ୍ଟିଆ, କାର୍ଯ୍ୟକାରୀ ସଭାପତି ଅରୁଣ କୁମାର ମିଶ୍ର, ସମ୍ପାଦକ ସୂର୍ଯ୍ୟ ଦାସ କାର୍ଯ୍ୟକର୍ମକୁ ପରିଚାଳନା କରିଥିଲେ।
କାର୍ଯ୍ୟକ୍ରମରେ ଯୁବ ପ୍ରତିଭା ସମ୍ମାନ ଭାବେ ସୁନିଲ ମହାନ୍ତି, କୋଭିଡ଼ ଯୋଦ୍ଧା ଭାବେ ଟୁଡେ ଓଡ଼ିଶା ପ୍ରତିଷ୍ଠାତା ଵିଶାଲ ମହାନ୍ତି, ସନ୍ତୋଷ କୁମାର ଦଳାଇ, ଭାରତୀ ମହାପାତ୍ର, ବିନୋଦିନି ପ୍ରଧାନ ଓ ଏନ ବୟ୍ଯନ୍ତି ମାଳାଙ୍କୁ ସମ୍ମାନିତ କରାଯାଇଥିଲା।
