ଆଜି ସକାଳେ ଏକ ବାଇକ୍ ଯୋଗେ ଭୁବନେଶ୍ୱରରୁ ଝିଅ ଘରୁ ଭଦ୍ରକ ବାସୁଦେବପୁର ଅଂଚଳକୁ ଫେରୁଥିଲେ ଏହି ଦମ୍ପତି । ଏହି ସମୟରେ ଧର୍ମଶାଳା ଥାନା ଅନ୍ତର୍ଗତ ଭାଲୁଖାଇ ନିକଟରେ ବାଇକ୍ ପଛରେ ଏକ ହାଇୱା ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ମହିଳାଙ୍କ ମୃତ୍ୟୁ ଘଟିଥିଲା । ମୃତ ମହିଳା ହେଲେ ଅହଲ୍ୟା ବେହେରା (୩୫) । ଗୁରୁତର ତାଙ୍କ ସ୍ୱାମିଙ୍କ ପରିଚୟ ମିଳିପାରି ନାହିଁ । ଖବର ପାଇ ଜାରକା ବିଟ୍ ହାଉସ୍ ଅଧିକାରୀ ରାଜକିଶୋର ନାୟକ ସଦଳବଳେ ଘଟଣାସ୍ଥଳରେ ପହଂଚି ଗୁରୁତରଙ୍କୁ ଚିକିତ୍ସା ନିମନ୍ତେ ମେଡିକାଲ ପଠାଇଥିବା ବେଳେ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଦୁର୍ଘଟଣା ଗ୍ରସ୍ତ ଦୁଇଟି ଗାଡିକୁ ପୋଲିସ ଜବତ କରିଛି ।
