ଜିଲ୍ଲାପାଳ ଅଧ୍ୟକ୍ଷତାରେ ଜଗନ୍ନାଥ ବଲ୍ଲଭ ପ୍ରାଙ୍ଗଣରେ ମମତା ଦିବସ ସମୀକ୍ଷା ବୈଠକ,

କୈଳାଶ ଚନ୍ଦ୍ର ପଣ୍ଡା,ପୁରୀ ,ଜିଲ୍ଲାରେ ଗର୍ଭବତୀ, ପ୍ରସୂତି ମା ଏବଂ ଶିଶୁ ମାନଙ୍କର ସ୍ବାସ୍ଥ୍ୟ ଯତ୍ନ ଉପରେ ଗୁରୁତ୍ବଦେବା ସଂକ୍ରାନ୍ତୀୟ ମମତା ଦିବସ ସମୀକ୍ଷା ବୈଠକ ଜଗନ୍ନାଥ ବଲ୍ଲଭ ପ୍ରାଙ୍ଗଣରେ ଅନୁଷ୍ଠିତ ହୋଇଛି । ଜିଲ୍ଲା ସ୍ବାସ୍ଥ୍ୟ ସମିତି ଦ୍ବାରା ଆୟୋଜିତ ଉକ୍ତ ବୈଠକରେ ଜିଲ୍ଲାପାଳ ବଲୱନ୍ତ ସିଂ ଅଧ୍ୟକ୍ଷତା କରିଥିଲେ । ପ୍ରତି ମଙ୍ଗଳବାର ଓ ଶୁକ୍ରବାର ଦିନ ଅଙ୍ଗନୱାଡି କେନ୍ଦ୍ରରେ ଏହି ମମତା ଦିବସ ପାଳିତ ହେଉଛି । ପ୍ରତ୍ୟେକ ବ୍ଲକରେ ବିଭାଗୀୟ କର୍ମଚାରୀ ମାନଙ୍କୁ ତାଲିମ ପ୍ରଦାନ କରାଯିବ । କର୍ତ୍ତବ୍ୟରେ ଅବହେଳା କରୁଥିବା କର୍ମଚାରୀଙ୍କ ବିରୁଦ୍ଧରେ ବିଭାଗୀୟ କାର୍ଯ୍ୟାନୁଷ୍ଠାନ ଗ୍ରହଣ ନିମନ୍ତେ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି । ଉକ୍ତ ବୈଠକରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡଃ ସୁଜାତା ମିଶ୍ର, ଏଡିଏମ୍ଓ ଡଃ ଦେବୀ ପ୍ରସାଦ ମହାପାତ୍ର, ଜିଲ୍ଲା ସମାଜ ମଙ୍ଗଳ ଅଧିକାରୀ ଶ୍ରୀମତୀ ପୁଷ୍ପାଞ୍ଜଳି ମହାପାତ୍ର, ଡିପିଏମ୍ ଟି. ନାରାୟଣ ରାଓ, ମେଡିକାଲ ଅଧିକାରୀ,ସିଡିପିଓ, ଅଙ୍ଗନୱାଡି ଓ ସ୍ବାସ୍ଥ୍ୟ ସୁପରଭାଇଜର୍ ପ୍ରମୁଖ ଉପସ୍ଥିତ ଥିଲେ ।