ନୂଆଦିଲ୍ଲୀ, ସିଙ୍ଗାପୁରରେ ଫାଇଜର କରୋନା ଟିକାକୁ ଅନୁମତି ମିଳିଛି । ବ୍ରିଟେନ, ବାହାରିନ ଓ ଆମେରିକା ପରେ ଏବେ ଫାଇଜର ପ୍ରସ୍ତୁତ କରିଥିବା କରୋନା ଟିକାକୁ ଅନୁମତି ମିଳିଛି । ସିଙ୍ଗାପୁର ପ୍ରଧାନମନ୍ତ୍ରୀ ଲି ସିଏନ ଲୁଙ୍ଗ ଘୋଷଣା କରିଛନ୍ତି ଯେ ୨୦୨୧ର ୩ୟ କ୍ୱାର୍ଟର ସୁଦ୍ଧା ଦେଶର ସମସ୍ତ ୫.୭ ମିଲିୟନ ଲୋକଙ୍କୁ କରୋନା ଟିକା ପ୍ରଦାନ କରାଯିବ। ଏହାକୁ ଦେଶର ସମସ୍ତ ନାଗରିକ ଓ ସିଙ୍ଗାପୁରରେ ଦୀର୍ଘଦିନ ହେଲା ବସବାସ କରୁଥିବା ଲୋକଙ୍କୁ ସଂପୂର୍ଣ୍ଣ ଭାଗେ ମାଗଣାରେ ଉପଲବ୍ଧ କରାଯିବ।
ପ୍ରଥମ ଦଫାରେ ସ୍ୱାସ୍ଥ୍ୟକର୍ମୀ, ଅନ୍ୟ ଫ୍ରଣ୍ଟଲାଇନ ୱାର୍କର୍ସ ଓ ବୟସ୍କମାନଙ୍କର ଟିକା କରଣ କରାଯିବ ବୋଲି ସେ କହିଛନ୍ତି। କରୋନା ଟିକା ନେବାକୁ କାହାକୁ ବାଧ୍ୟ କରାଯାଇ ପାରିବ ନାହିଁ ଏହା ସ୍ୱେଚ୍ଛାକୃତ। କିନ୍ତୁ ଟିକା ସୁରକ୍ଷିତ ବୋଲି ଲୋକଙ୍କ ମନରେ ବିଶ୍ୱାସ ସୃଷ୍ଟି କରିବା ପାଇଁ ଲି ନିଜେ ଓ ଆଉ କିଛି ସରକାରୀ ଅଧିକାରୀ ଆରମ୍ଭରୁ ଫାଇଜର ଟିକା ଗ୍ରହଣ କରିବେ।
