ପ୍ରଭାରୀ ଘୋଷିତ ହେବା ପରେ ନିଜର ପ୍ରଥମ ଗସ୍ତରେ ଓଡିଶା ଆସି ପହଂଚିଥିବା ପୁରନ୍ଦେଶ୍ୱରୀ ଆଜି ପୁରୀ ଯାଇ ଶ୍ରୀଜଗନ୍ନାଥ ମନ୍ଦିରରୁ ଫେରିବା ପରେ ଏଠାରେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ କେନ୍ଦ୍ର ସରକାର ଆୟୁଷ୍ମାନ ଭାରତ ଯୋଜନା ଲାଗୁ କରିଛନ୍ତି । ହେଲେ ରାଜ୍ୟ ସରକାର ଓଡିଶାର ଲୋକ ମାନଙ୍କୁ ଏହି ଯୋଜନାରୁ ବଂଚିତ କରି ରଖିଛନ୍ତି । ଏହା ଓଡିଶାବାସୀଙ୍କ ପ୍ରତି ଅନ୍ୟାୟ । ଆଗାମୀ ଦିନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଏହାର ଉତର ଦେବାକୁ ପଡିବ ବୋଲି ସେ କହିଛନ୍ତି ।
ପରୀ ହତ୍ୟା ମାମଲାରେ ସେ କହିଛନ୍ତି ଯେ ସେ ନୟାଗଢ ଯାଇ ତାଙ୍କର ପରିବାର ଲୋକଙ୍କୁ ଭେଟିଛନ୍ତି । ଏହି ମାମଲାରେ ପୀଡିତାଙ୍କ ପରିବାର ଅଭିଯୋଗ କରୁଥିବା ଲୋକଙ୍କ ସହ ରାଜ୍ୟ ସରକାରଙ୍କ ମନ୍ତ୍ରୀ ରହିଛନ୍ତି । ତେଣୁ ତାଙ୍କ ବିରୁଦ୍ଧରେ କୌଣସି ପ୍ରକାର କାର୍ଯାନୁଷ୍ଠାନ ଗ୍ରହଣ କରା ଯାଇ ନାହିଁ ।
