ନୂଆଦିଲ୍ଲୀ, ଭାରତ-ଅଷ୍ଟ୍ରେଲିଆ ଟି-୨୦ର ଆଜି ୩ୟ ମୁକାବିଲା ହେବ । ଟି-୨୦ ଶୃଙ୍ଖଳାର ପ୍ରଥମ ୨ଟି ମ୍ୟାଚ (କାନବେରା ଓ ସିଡନୀ)ରେ ଅଷ୍ଟ୍ରେଲିଆ ବିପକ୍ଷରେ ଚମକପ୍ରଦ ପରେ ଭାରତର ମନୋବଳ ଆହୁରି ଅଧିକ ବଢ଼ିଯାଇଛି । ଭାରତ ଚଳିତ ଟି-୨୦ ଶୃଙ୍ଖଳାରେ ୨-୦ରେ ଅଗ୍ରଣୀ ଥିବା ବେଳେ ଆଜି ସିଡନୀରେ ଖେଳାଯିବାକୁ ଥିବା ୩ୟ ମୁକାବିଲା ଜିତି ଅଷ୍ଟ୍ରେଲିଆକୁ ମୂଳପୋଛ କରିବାକୁ ଉଦ୍ୟମ କରିବ । ଭାରତୀୟ ସମୟ ଅପରାହ୍ନ ୧ଟା ୪୦ରେ ସିଡିନୀ କ୍ରିକେଟ ଗ୍ରାଉଣ୍ଡରେ ଖେଳାଯିବାକୁ ଥିବା ଏହି ମ୍ୟାଚ ଜିତି ବିରାଟ ବାହିନୀ ପୁଣି ଥରେ ନୂଆଁ ରେକର୍ଡ କରିବାକୁ ରଣନୀତି ପ୍ରସ୍ତୁତ କରିଛି । ଅପରପକ୍ଷେ ଘରୋଇ ଟିମ ମଧ୍ୟ ମ୍ୟାଚ ଜିତି ନିଜର ସମ୍ମାନ ରଖିବାକୁ ସମସ୍ତ ପ୍ରକାରର ଉଦ୍ୟମ କରିବ ।
