ଭଞ୍ଜନଗର – ଦୁର୍ଗତି ନାଶିନୀ ମାଆ ଦୁର୍ଗା ଙ୍କ ଆଗମନ ରେ ଚାରିଆଡେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି l ଦେବୀ ଦୁର୍ଗା ଙ୍କୁ ଆବାହନ କରି ପ୍ରତ୍ୟେକ ଦିନ ମାଆ ଙ୍କ ବିଭିନ୍ନ ରୀତି ନୀତି ଅନୁଯାୟୀ ପୂଜା କାର୍ଯ୍ୟ ସମାପନ ହେଉଛି l ଇତି ମଧ୍ୟରେ ସପ୍ତମି, ମହା ଅଷ୍ଟମୀ ପୂଜା ଶେଷ ହୋଇଥିବା ବେଳେ ଆଜି ନବମୀ ପୂଜା କାର୍ଯ୍ୟ ଆନନ୍ଦ ଉଲ୍ଲାସ ର ସହ ଚାଲିଛି l ଏଥି ନିମନ୍ତେ ଭଞ୍ଜନଗର ଠାରେ ବିଭିନ୍ନ ପୂଜା ମଣ୍ଡପ ତରଫରୁ ସ୍ୱତନ୍ତ୍ର ପୂଜାର୍ଚନା ର ଆୟୋଜନ କରାଯାଇଛି l ସନ୍ଧ୍ୟାରେ ଦେବୀ ଙ୍କ ଦର୍ଶନ ପାଇଁ ଭିଡ଼ ଲାଗିରହୁଥିବା ବେଳେ ସାଂସ୍କୃତିକ କାର୍ଯ୍ୟକ୍ରମ ମଧ୍ୟ ସମସ୍ତଙ୍କର ବେଶ ମନ ମୋହୁଛି l
ଏହି ପୂଜା କୁ ଆକର୍ଷଣୀୟ କରିବା ପାଇଁ ବିଭିନ୍ନ ପୂଜା କମିଟି ତରଫରୁ ବିରାଟ ତୋରଣ, ରଙ୍ଗ ବେରଙ୍ଗ ର ଆଲୋକମାଳା ସହ ସାଜସଜ୍ଜା ଓ ଦୁର୍ଗା ଙ୍କର ସୁନ୍ଦର ମୃଣ୍ମୟୀ ମୂର୍ତ୍ତି ଭକ୍ତଙ୍କୁ ବିଭୋର କରିଦେଉଛି l ତେଣୁ ପ୍ରତ୍ୟେକ ଦିନ ଭଞ୍ଜନଗର ଓ ଆଖପାଖ ଅଞ୍ଚଳ ର ବହୁ ସଂଖ୍ୟାରେ ଲୋକ ଏହାକୁ ଦେଖିବାକୁ ଆସୁଛନ୍ତି l ଆସନ୍ତା 11ତାରିଖରେ ଦେବୀଙ୍କ ଭସାଣି କାର୍ଯ୍ୟକ୍ରମ ରହିଛି l
