କୈଳାଶ ଚନ୍ଦ୍ର ପଣ୍ଡା, ପୁରୀ -କାର୍ତ୍ତିକ ପୂର୍ଣ୍ଣିମା ଅବସରରେ ସମସ୍ତ ଭକ୍ତମାନେ କିଭଳି ଭଲଭାବରେ ପତିତପାବନ ଦର୍ଶନ କରିପାରିବେ ସେଥିପାଇଁ ସ୍ୱତନ୍ତ୍ର ବ୍ୟବସ୍ଥା |ସୁରକ୍ଷା ଓ କରୋନା କଟକଣା କୁ ନଜରରେ ରଖି ପୁରୀଜିଲ୍ଲା ପୋଲିସ ପ୍ରଶାସନ ତରଫରୁ ୧୫ ପ୍ଲାଟୁନ ମୁତୟନ କରାଯିବା ସହିତ ୫0 ଅଫିସର ରହିବେ ସେମାନଙ୍କ ମଧ୍ୟରୁ ଜଣେ ଆଡ଼ିସନାଲ ଏସପି ଓ ୭ ଜଣ ଡ଼ିଏସପି ଅଛନ୍ତି |ଟ୍ରାଫିକ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି |କାର୍ତ୍ତିକ ପୂର୍ଣ୍ଣିମାରେ ଡ଼ଙ୍ଗା ଭସାଇବା ପରମ୍ପରା ଥିବାରୁ କରୋନା କଟକଣା କୁ ନଜରରେ ସମୁଦ୍ର କୂଳକୁ ଯିବାପାଇଁ ସମସ୍ତଙ୍କୁ ବାରଣ କରାଯାଇଛି |ପୂର୍ବରୁ ଯେପରି ସମସ୍ତ ପୁରୀବାସୀ ପୋଲିସ କୁ ସହଯୋଗ କରିଆସିଛନ୍ତି ସେହିଭଳି ବର୍ତ୍ତମାନ ସମସ୍ତଙ୍କ ସହଯୋଗ କାମନା କରିଛନ୍ତି ପୁରୀଜିଲ୍ଲା ଏସପି କନୱର ବିଶାଲ ସିଂହ |
