ଭୁବନେଶ୍ୱର – ଭୁବନେଶ୍ୱରରୁ ରବିବାର ଦିନ ୪୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ୫୭ଜଣ ସୁସ୍ଥ ହୋଇଛନ୍ତି । ଚିହ୍ନଟ ହୋଇଥିବା ୪୩ ଜଣଙ୍କ ମଧ୍ୟରୁ କ୍ୱାରେଂଟାଇନ କେନ୍ଦ୍ରରୁ ୧୨ଜଣ ଚିହ୍ନଟ ହୋଇଥିବା ବେଳେ ୩୧ଜଣ ସ୍ଥାନୀୟ ସଂକ୍ରମଣ ଶିକାର ହୋଇଛନ୍ତି । ଭୁବନେଶ୍ୱର ମହାନଗର ନିଗମ ପକ୍ଷରୁ ଟୁଇଟ କରି ସୂଚନା ଦିଆଯାଇଛି ।
ନୂତନ ଆକ୍ରାନ୍ତଙ୍କୁ ମିଶାଇ ଭୁବନେଶ୍ୱରରୁ ଆଜି ପର୍ଯ୍ୟନ୍ତ ୩୦,୪୬୧ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଥିରୁ ୨୯,୬୬୦ ଜଣ ସୁସ୍ଥ ହୋଇସାରିଛନ୍ତି । ଏବେ ୫୭୬ ଜଣ ଆକ୍ରାନ୍ତ ସକ୍ରିୟ ଥିବା ବେଳେ ୨୦୪ ଜଣଙ୍କର ମୃତ୍ୟୁ ହୋଇଛି ।
ସଙ୍ଗରୋଧରୁ ଚିହ୍ନଟ ହୋଇଥିବା ୧୨ଜଣଙ୍କ ମଧ୍ୟରେ ବରମୁଣ୍ଡା, କଳିଙ୍ଗନଗର ଓ ସୌଭାଗ୍ୟ ନଗରରୁ ୨ଜଣ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ବଡ଼ଗଡ଼, ଆଇଆରସି ଭିଲେଜ, ଝାରପଡ଼ା, ପୋଖରୀପୁଟ, ଶୈଳଶ୍ରୀ ବିହାର ଓ ୟୁନିଟ-୬ରୁ ଜଣେ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିଭଳି ସ୍ଥାନୀୟ ସଂକ୍ରମଣ ଶିକାର ହେ।।ଇଥିବା ୩୧ଜଣଙ୍କ ମଧ୍ୟରେ ସୌଭାଗ୍ୟ ନଗରରୁ ସର୍ବାଧିକ ୪ଜଣ , ପଟିଆରୁ ୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।
