ଜଗନ୍ନାଥ ପ୍ରସାଦ : ୦୬.୧୦.୨୦୧୯ ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ବ୍ଲକ ଅନ୍ତର୍ଗତ ଜିରାବାଡ଼ି ଗ୍ରାମ ପଞ୍ଚାୟତରେ ସୁରକ୍ଷା ସ୍ଵେଚ୍ଛାସେବୀ ସଂଗଠନ, ଜଗନ୍ନାଥ ପ୍ରସାଦ ଓ ଜିରାବାଡ଼ି ପଞ୍ଚାୟତ ବିଜୁ ଯୁବ ବାହିନୀର ମିଳିତ ଆନୁକୁଲ୍ୟରେ ସ୍ଵେଚ୍ଛାସେବୀ ମାନଙ୍କୁ ନେଇ ଚାରା ରୋପଣ ଓ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଜଗନ୍ନାଥ ପ୍ରସାଦ ବ୍ଲକ ସୁରକ୍ଷା ସ୍ଵେଚ୍ଛାସେବୀ
ସଂଗଠନ ସଭାପତି ସରୋଜ କୁମାର ନାୟକ ଓ ଜିରାବାଡ଼ି ବିଜୁ ଯୁବ ବାହିନୀର ସଭାପତି କାହ୍ନୁ ଚରଣ ପ୍ରଧାନଙ୍କ ନେତୃତ୍ବରେ ସ୍ଵେଚ୍ଛାସେବୀ ସମିର ରଞ୍ଜନ ପାତ୍ର, ସିଲୁ ପ୍ରଧାନ,ସୌମ୍ୟ ରଞ୍ଜନ ଗୌଡ, ଦୀପକ ବେହେରା, ଚନ୍ଦନ ବିଶ୍ଵାଳ, ନିରଞ୍ଜନ ଆରୁଖ, ଗୋପାଲ ନାୟକ, ଅଟଳ ବିହାରୀ ନାୟକ, ରାଜେଶ ପ୍ରଧାନ, ଅଶୋକ ବାରିକ, ମନୋଜ କୁମାର ନାୟକ, ଅବିନାଶ ଡାକୁଆ, ରାଜା ବେହେରା, ସୁବ୍ରତ କୁମାର ଗୌଡ, ଅଜିତ ବେହେରା, ନନ୍ଦନ ବିଶ୍ଵାଳ, ଦୀପକ ସେଠି, ପିଣ୍ଟୁ ସେଠି ଯୋଗ ଦେଇଥିଲେ।
ସ୍ଵେଚ୍ଛାସେବୀ ମାନେ ଲୋକଙ୍କୁ ପଲିଥିନ୍ ବର୍ଜନ, ନିଶା ନିବାରଣ, ପ୍ଲାଷ୍ଟିକ ମୁକ୍ତ ଓଡିଶା ଗଠନ, ବୃକ୍ଷ ରୋପଣ ଉପରେ ସ୍ଲୋଗାନ୍ ଦେଇ ପଦଯାତ୍ରା କରି ସଚେତନତା କରିଥିଲେ। ଜିରାବାଡ଼ି ପଞ୍ଚାୟତ ଠାରେ ବୃକ୍ଷ ରୋପଣ କାର୍ଯ୍ୟକ୍ରମ ରେ ଜଗନ୍ନାଥ ପ୍ରସାଦ ବ୍ଲକ ଅଧ୍ୟକ୍ଷାଙ୍କ ପ୍ରତିନିଧି ଅନାଦି ବେହେରା, ଜିରାବାଡ଼ି ସରପଞ୍ଚଙ୍କ ପ୍ରତିନିଧି ଉପେନ୍ଦ୍ର ବେହେରା ପ୍ରମୁଖ ଉପସ୍ଥିତ ରହି ସ୍ଵେଚ୍ଛାସେବୀମାନଙ୍କୁ ଉତ୍ସାହିତ କରିଥିଲେ। ଏହି ଭଳି କାର୍ଯ୍ୟକ୍ରମ ସ୍ଵେଚ୍ଛାସେବୀ ମାନେ କରିଥିବାରୁ ଗ୍ରାମବାସୀ ମାନେ ସ୍ଵେଚ୍ଛାସେବୀ ମାନଙ୍କୁ ଧନ୍ୟବାଦ ଦେଇଥିଲେ।
