ଲାଞ୍ଜିପଲ୍ଲୀ ଅଂଚଳର ଜଣେ ମହିଳା ପ୍ରାୟ ୭ରୁ ୮ ମାସ ହେବ ନିଜ ସ୍ୱାମୀଙ୍କ ସହିତ ଝଗଡ଼ା କରି ବାପଘରକୁ ଚାଲି ଆସିଥିଲେ । ୩ ବର୍ଷ ପୂର୍ବେ ପଶ୍ଚିମବଙ୍ଗର ମୁର୍ଶିଦାବାଦର ଜଣେ ଯୁବକଙ୍କ ସହିତ ପ୍ରେମ ସମ୍ପର୍କ ଗଡି ଉଠିଥିଲା । ଦୁଇ ଦିନ ପୂର୍ବେ ଏହି ଯୁବକ ଜଣକ ଲାଞ୍ଜିପଲ୍ଲୀ ଅଂଚଳକୁ ଆସି ମହିଳାଙ୍କୁ ନିଜ ଗ୍ରାମକୁ ନେବାକୁ ଚେଷ୍ଟା କରିଥିଲେ । ଏନେଇ ମହିଳାଙ୍କ ଭାଇ ବୈଦ୍ୟନାଥପୁର ଥାନାରେ ଏତଲା କରିବା ପରେ ପୋଲିସ ଘଟଣାସ୍ଥଳରେ ପହଂଚି ଅଭିଯୁକ୍ତ ଯୁବକକୁ ଗିରଫ କରି କୋର୍ଟଚାଲାଣ କରିଥିଲେ । ଜାମିନ୍ ନାମାଞ୍ଜୁର ହେବାରୁ ତାଙ୍କୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି ।
