ମାଲକାନଗିରି-ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳରେ ପୁଣି ଶୁଭିଲା ମାଓ ବିରୋଧୀ ସ୍ୱର । ୧୦ରୁ ଅଧିକ ଗ୍ରାମବାସୀ ମିଳିତ ଭାବେ ମାଓ ବିରୋଧୀ ନାରା ଦେଇଛନ୍ତି । ଗତକାଲି ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳରେ ଥିବା ଖଜୁରିଗୁଡା ଠାରେ ମାଓବାଦୀ ଙ୍କୁ ବିରୋଧ କରି ହଜାର ହଜାର ଲୋକେ ଏକତ୍ରିତ ହୋଇଥିଲେ । ମାଓବାଦୀ ମାନେ ୨୦ ତାରିଖ ରାତିରେ ଖଜୁରୀଗୁଡାର ଦାସୁ ଖେମୁଡୁ କୁ ପୋଲିସ ସୂଚନା ଦାତା କହି ଗୁଳି କରି ହତ୍ୟା କରିଥିଲେ । ଘଟଣାକୁ ନେଇ ଏବେ ମାଓବାଦୀଙ୍କ ବିରୋଧରେ ସ୍ୱର ଉତ୍ତୋଳନ କରିଛନ୍ତି ସ୍ୱାଭିମାନ ଅଞ୍ଚଳ ବାସୀ । ସ୍ୱାଭିମାନ ଅଞ୍ଚଳର ବିଭିନ୍ନ ସ୍ଥାନରେ ମାଓ ବିରୋଧୀ ପୋଷ୍ଟର ଲଗାଯାଇଥିବା ବେଳେ ଗତକାଲି ମାଓ ବିରୋଧୀ ମେଳି ହୋଇଥିଲା !
