ଗଞାମ -ଗଞ୍ଜାମ ଜିଲ୍ଲା ଗୋଳନ୍ଥରା ଥାନା ପୋଲିସ ବିଳମ୍ବିତ ରାତିରେ ଏକ ସ୍ଥାନରେ ଚଢ଼ାଉ କରି ପାଞ୍ଚ ଜଣ ଡାକୟତ ଡକାୟତି କରିବା ପାଇଁ ଯୋଜନା କରୁଥିବା ବେଳେ ପୋଲିସ ପହଂଚି ଯୋଜନାକୁ ପଣ୍ଡ କରିବା ସହ ଘଟଣାସ୍ଥଳରୁ ପାଞ୍ଚ ଜଣ ଡକାୟତକୁ ଗିରଫ କରିଛି l ସେମାନଙ୍କ ନିକଟରୁ ୨ଟି ଜୀବନ୍ତ ବୋମା, ୨ଟି ଲୁହା ରଡ଼ ଓ ଏକ ଖଣ୍ଡା ଜବତ କରିଥିବା ଜଣାପଡିଛି l ଗିରଫ ଯୁବକମାନେ ହେଲେ ଭାବିନିପୁର ଅଞ୍ଚଳର କୋକୋ ଦାସ, ଲାଠି ଗ୍ରାମର କୁନା ଗୌଡ଼, ବେନ୍ଧାଳିଆର କାହ୍ନା ପଢ଼ିଆରୀ, ନରେନ୍ଦ୍ରପୁର ଗ୍ରାମର ଅନିଲ କୁମାର ବାଡାତ୍ୟା ଏବଂ ବ୍ରହ୍ମପୁର ଲାଂଜିପାଲ୍ଲୀ ଅଞ୍ଚଳର ସନ୍ତୋଷ କୁମାର ଦାଶ ବୋଲି ପୋଲିସ ପକ୍ଷରୁ ସୂଚନା ମିଳିଛି l ପୋଲିସ ସୂଚନା ଅନୁଯାଇ, ଗତକାଲି ରାତି ୨ଟା ବେଳେ କନିସି ତୁଳୁରୋଡ଼ରେ ଥିବା ବିଦେଶୀ ମଦ ଦୋକାନ ପଛପଟେ କିଛି ଯୁବକ ବସି ଯୋଜନା କରୁଥିବା କୌଣସି ସୂତ୍ରରୁ ଖବର ପାଇ ଗୋଳନ୍ଥରା ଥାନା ଅଧିକାରୀ ବାବୁଲି ନାୟକ ସଙ୍ଗେ ସାଙ୍ଗେ ସଦଳବଳେ ଉକ୍ତ ସ୍ଥାନରେ ଚଢ଼ାଉ କରିଥିଲେ l ପୋଲିସକୁ ଦେଖି ଘଟଣା ସ୍ଥଳରୁ ଡକାୟତ ମାନେ ଫେରାର ହେବାକୁ ଉଦ୍ୟମ କରୁଥିବା ବେଳେ ପୋଲିସ ସେମାନଙ୍କୁ କାବୁ କରିବାରେ ସକ୍ଷମ ହୋଇଥିଲା l l ଏ ନେଇ ଗୋଳନ୍ଥରା ଥାନାରେ କେଶ ନମ୍ବର 288/20ରେ ଏକ ମାମଲା ରୁଜୁ ହେବା ସହ ପାଞ୍ଚ ଜଣ ଡକାୟତଙ୍କୁ କୋର୍ଟ ଚାଲାଣ କରାଯାଇଥିଲା l
