କୈଳାଶ ଚନ୍ଦ୍ର ପଣ୍ଡା, ପୁରୀ,୦୪/୧୦/୨୦୨୦,ପିପିଲି ବିଧାୟକ ଓ ଓଡିଶାର ପୂର୍ଵତନ ମନ୍ତ୍ରୀ ପ୍ରଦୀପ ମହାରଥୀ ଙ୍କ ପୁରୀ ସ୍ୱର୍ଗଦ୍ୱାର ରେ ଅନ୍ତିମ ସଂସ୍କାର ସମୟରେ ଜିଲ୍ଲା ପୋଲିସ ତରଫରୁ ରାଷ୍ଟ୍ରୀୟ ସଂମ୍ମାନ ପ୍ରଦାନ କରାଯାଇଛି | ମୁଖାଅଗ୍ନି ଦେଇଥିଲେ ପୁଅ ରୁଦ୍ର ମହାରଥୀ | କୋହର କାନ୍ଦୁଥିବା ପ୍ରଦୀପ ମହାରଥୀଙ୍କ ଝିଅ | ସ୍ୱର୍ଗଦ୍ୱାରରେ ଅନ୍ତିମ ସଂସ୍କାର ସମୟରେ ଗଣଶିକ୍ଷା ମନ୍ତ୍ରୀ ସମୀର ଦାସ, ପୂର୍ଵତନ ସାଂସଦ ପ୍ରସନ୍ନ କୁମାର ପାଟଶାଣୀ, ବିଜେଡି ଯୁବ ଛାତ୍ର ନେତା ସୁଭାଷିଶ ଖୁଣ୍ଟିଆ, ଜିଲ୍ଲାପାଳ ବଲୱନ୍ତ ସିଂ, ଆରକ୍ଷୀ ଅଧିକ୍ଷକ ଅଖିଳେଶ୍ଵର ସିଂ, ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ର ଅନେକ ବରିଷ୍ଠ ଅଧିକାରୀ ପ୍ରମୁଖ ନିଜର ଶୋକ ବ୍ୟକ୍ତ କରିଥିଲେ |ମହାରଥୀଙ୍କ ଅନ୍ତିମ ସଂସ୍କାର ସମୟରେ କରୋନା ନିୟମକୁ ଖୋଲାଖୋଲି ଉଲଂଘନ କରାଯାଇଥିଲା |
ମହାରଥୀଙ୍କ ବିୟୋଗରେ ଶ୍ରୀରାମ ସୁନ୍ଦରକାଣ୍ଡ ଚାରିଟେବଲ ଟ୍ରଷ୍ଟର ପ୍ରତିଷ୍ଠାତା ଓ ସଂପାଦକ ପଣ୍ଡିତ ବିଷ୍ଣୁ ଚରଣ ପଣ୍ଡା ଗଭୀର ଶୋକ ପ୍ରକାଶ କରି ଗୋରୁଆଳ ସ୍ଥିତ” ଗୋବିନ୍ଦ ଗୋଧାମ ଗୋଶାଳା ” ରେ ୨ ମିନିଟ ନିରବ ପ୍ରାର୍ଥନା କରି ମୃତକ ମହାରଥୀଙ୍କୁ ଶ୍ରଦ୍ଧାଞ୍ଜଳି ପ୍ରଦାନ କାରାଯାଇଥିଲା | ଉପସ୍ଥିତ ଟ୍ରଷ୍ଟର ସଦସ୍ୟ ଅନ୍ତରାଷ୍ଟ୍ରୀୟ ଜ୍ୟୋତିଷ ଆଚାର୍ଯ୍ୟ ନିତ୍ୟାନନ୍ଦ କର, କାର୍ତ୍ତିକ ପଣ୍ଡା, ପୁରୁଷୋତ୍ତମ ପଣ୍ଡା, ଗଣେଶ୍ୱର ପଣ୍ଡା, ପିତାମ୍ବର ପଣ୍ଡା, ସୌମ୍ୟ ରଞ୍ଜନ ଆଚାର୍ଯ୍ୟ, ମନୋଜ କୁମାର ପଣ୍ଡା, ହରପ୍ରସାଦ ମହାପାତ୍ର, ଦିଲ୍ଲୀପ ମହାନ୍ତି ପ୍ରମୁଖ ଆତ୍ମାର ସଦଗତି ନିମନ୍ତେ ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ |
