କେନ୍ଦ୍ରାପଡ଼ା – କେନ୍ଦ୍ରାପଡା ସଦରଥାନା ଅନ୍ତର୍ଗତ ଇନ୍ଦାଳୋ ଛକନା ଗ୍ରାମରେ ଜଣେ ମହିଳାଙ୍କୁ ହତ୍ୟା କରିବା ପରେ ତାଙ୍କର ଏକମାତ୍ର ନାବାଳିକା ଝିଅକୁ ହତ୍ୟାଧମକ ଦିଆଯାଉଥିବା ଅଭିଯୋଗ ହୋଇଛି । ଏ ନେଇ ନାବାଳିକା ଝିଅ ଜଣକ ଗୁରୁବାର ଜିଲ୍ଲାପାଳଙ୍କୁ ଏକ ଅଭିଯୋଗ ପତ୍ର ଦେବା ସହ ଅନ୍ୟ ଅଭିଯୁକ୍ତ ମାନଙ୍କୁ ଗିରଫ କରି ସୁରକ୍ଷା ଦାବି କରିଛନ୍ତି । ଘଟଣା ମୁତାବକ ସଦରଥାନା ଅଧିନ ଇନ୍ଦାଳୋ ଗ୍ରାମର ସସ୍ମିତା ବିଶ୍ୱାଳଙ୍କୁ ହତ୍ୟା କରି ଶବକୁ ନଦୀରେ ଫିଙ୍ଗି ଦିଆଯାଇଥିଲ । ଏ ନେଇ ପୋଲିସ ଏକ ମାମଲା ରୁଜୁକରି ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ । ଅନ୍ୟ ୩ ଜଣ ଅଭିଯୁକ୍ତ ଗିରଫ ହୋଇନଥିବାରୁ ସସ୍ମିତାଙ୍କ ଏକମାତ୍ର ନାବାଳିକା ଝିଅକୁ ହତ୍ୟା ଧମକ ସହ ଅଶ୍ଲୀଳ ଗାଳି ଗୁଲଜ କରାଯାଉଥିବା ଝିଅ ଜଣଙ୍କ ଲିଖିତ ଅଭିଯୋଗ କରିଛନ୍ତି । ମାର ହତ୍ୟା ପରେ ଝିଅ ମାଉସୀ ପାଖରେ ଆଶ୍ରୟ ନେଇଥିବାରୁ ଅଭିଯୁକ୍ତମାନେ ତାଙ୍କ ଘର ନିକଟକୁ ଯାଇ ଧମକ ଚମକ ଦେଉଥିବାରୁ ନାବାଳିକା ଜଣକ ଭୟଭିତ ଅବସ୍ଥାରେ ନିଜ ଜୀବନ ବଂଚାଇବା ପାଇଁ ସୁରକ୍ଷା ଦାବି କରିଛନ୍ତି ।
