ବ୍ରହ୍ମପୁର: ହୃଷିକେଶ ଫାଉଣ୍ଡେସନ (ମୁମ୍ବାଇ) ପକ୍ଷରୁ ସ୍ଥାନୀୟ ହିଲ୍ପାଟଣାସ୍ଥିତ ସର୍ବସାଧାରଣ କାର୍ଯ୍ୟାଳୟରେ କାର୍ଯ୍ୟାଳୟର ମୁଖ୍ୟ ତଥା ଗଞ୍ଜାମ ଜିଲ୍ଲା ପ୍ରତିନିଧି ଶିବରାମ ଚୌଧୁରୀଙ୍କ ସମେତ ୨ କାର୍ଯ୍ୟକର୍ତ୍ତା ଈଶ୍ୱର ସେଠୀ ଓ ଜଗନ୍ନାଥ ଗୌଡଙ୍କୁ କୋଭିଡ୍ ଯୋଦ୍ଧା ଭାବେ ଶନିବାର ସମ୍ମାନୀତ କରାଯାଇଛି । ପ୍ରମାଣ ପତ୍ର ସହ ଉପଢୌକନ ଦେଇ ସମର୍ଦ୍ଧିତ କରାଯାଇଥିଲା । କରୋନା ସମୟରେ ଜିଲ୍ଲା ପ୍ରତିନିଧି ଶ୍ରୀ ଚୌଧୁରୀଙ୍କ ସମେତ ୨ କାର୍ଯ୍ୟକର୍ତ୍ତା କରୋନା ମହାମାରୀକୁ ଖାତିର ନକରି ନିଜ ନିଜର କାର୍ଯ୍ୟ ସୁଚାରୁ ରୂପେ ପାଳନ କରିଥିଲେ । ତେଣୁ ସମାଜର ହିତ ପାଇଁ ସେବା ଯୋଗାଇ ଆସୁଥିବା ସର୍ବସାଧାରଣ ପରିବାରର ସମସ୍ତ କାର୍ଯ୍ୟକର୍ତ୍ତାଙ୍କୁ ଫାଉଣ୍ଡେସନ ପକ୍ଷରୁ କୃତଜ୍ଞତା ଜଣାଇଥିଲେ । ବିଜେପି ନେତା ତଥା କେନ୍ଦ୍ରୀୟ ଚଳଚିତ୍ର ପ୍ରମାଣନ ବୋର୍ଡର ସଦସ୍ୟ ଶ୍ରୀକାନ୍ତ ପାଢୀ କାର୍ଯ୍ୟାଳୟରେ ପହଞ୍ôଚ ୩ଜଣଙ୍କୁ ସମ୍ବର୍ଦ୍ଧନା କରିଥିଲେ ।
